Var að blogga áðan og tókst að týna því sem ég var að skrifa, en helgin var góð, var í Borgarfirði við gott yfirlæti. Er alvarlega að hugsa um að flytja þangað í ellinni eða svona eftir 2-3 ár.
Svolítið rólegra líf, er annars að drepast úr leti….
Ave
Verð að muna að setja spekina í restina, hversu óspaklega sem hún kann að virðast vera.
Smá ljóð eftir Nínu Björk:
Stríð
yrkisefni mér og öðrum
sem eiga silkisvæfla
að hvíla á
þreytt höfuð sín.
púha, alveg klikk dagur, en held að ég hafi verið nokkuð dugleg.
Hef þvælst á milli stofnana fyrir húsfélagið, ÓFS og sjálfa mig. Keyrði mömmu til læknis og í búð, ojá…. las yfir eitt handrit,
þarf að stofnanast meira á morgun, langur vinnufundur í kvöld en yfirgripsmikill, held að nýji ritarinn hafi ákveðið að hætta.(allir talandi í einu, grípandi fram í, brjáluð Kaos)
Algert afrek, framkvæmt allavega fimm hluti í dag sem mér finnst leiðinlegir. Ætla á morgun á opnun ljósmyndasýningar í IÐU og svo á fund* + fara í tvær prentsmiðjur fá tilboð og hrinda af stað verki.
Núna leggjast fyrir framan imbann, skrons, blúbb og sofna svo í rúmminu mínu og sofa allavega til 9.00, góða nóttt og boing!
Fundur hjá SHA, tillögur í stjórnarskrá, ansi skilvirkur fundur. Verst að komast ekki 11. júní á ráðstefnuna. Verð úti á landi væntanlega að funda á vegum ÓFS (breiða út fagnaðarerindið).
Annars frekar fúll dagur, einkenndist af mótþróa og þrjósku af minni hálfu gat alls ekki fengið mig til að prófarkarlesa.
Til friðþægingar þá reyndi ég að átta mig á reikningum húsfélagsins varðandi lyftuviðgerðir, blegh :0P. ….ekki segja það, búið að vara mig við að fara í stjórn…arrgh.
Vaskaði upp, þvoði þvott, planlagði sumarfrísreisu á Ísafjörð, gekk gönguferð dagsins, sá meira segja glitta í báða drengina sem ég er örlítið skotin í. Neyðist til að vera dugleg á morgun þ.e. þvælast milli stofanna og afgreiða ýmis mál.
Vonast eftir að vera vonbetri á morgun, speki dagsins: betri eru tveir á þaki en einn á laki (miklu minna vesen)
Fékk mjög góðar fréttir í gær, Tryggingastofnun ákvað að hætta við að rukka mig fyrir ofgreiddar bætur fyrir árið 2003. Virðist sem kurteisleg bréf virki eftir allt saman ásamt aðstoð ÖBÍ.
Sá fram á á vera næstu þrjú árin að endurgreiða peninga sem ég hafði í rauninni rétt á. Styð þá hugmynd að rýmka tekjumörk fyrir vinnu eða t.d. styrki hjá öryrkjum.
Dagurinn nokkuð góður þrátt fyrir að vera sprautudagur. Fór í góðan göngutúr og hitt hana Auði mína á kaffihúsi, kórónaði að kaupa mér bakpoka. Fékk tískuráðgjóf frá Auði og Kötu, skilst að röksemdin:,,er of gömul” virki ekki í fata og fylgihluta kaupum. Enda sosum löngu búin að gera mér grein fyrir því að ég er ekki alveg þessi virðulega frúartýpa.
Á sunnudaginnseinasta var mæðradagurinn og ég fékk flotta lilju frá unglingnum, surprise!
Ætla að reyna að vera dugleg á morgun, fara og tala við skattmann og sækja um námið, svo er fundur hjá SHA um innlegg í stjórnarskrána á morgun, undrandi að við skulum yfirhöfuð fá umfjöllunarrétt??
Svo er að takast á við syndirnar þ.e. koma sér í þýðingahaminn.
Gajol spekinn í dag er:1) orð eru til þess að lýsa hugsunum 2)orð erutil þess leyna hugsunum 3)orð eru til þess að breiða yfir það að engin hugsun er fyrir hendi. AVE
Fór í nálastungu í morgun til að reyna að ná mér aftur á flot, opnuð rás sem ekki hefur verið hreyft við í 3 ár, varð svo mega koksuð að ég er búin að sofa til 18.00.
Fór í gær á Hótel Rwanda, rosaleg góð mynd, vel leikin. Búin að að spekúlera mikið í gærkvöld og núna, hvernig þetta við og hinir skapast að því leyti þegar þetta fer út í svona furðulega múgæsingu þ.e. ,,hinir” verða réttdræpir og eiga sér ekki tilverurétt.
Þetta er stöðugt að gerast núna t.d. í Darfur og hver eiga aumingja Búsk-mennirnir að gjalda en þeir eru drepnir til þess að það sé hægt að éta þá. Helförin, Sturlungaöldin, þetta er alveg endalaust…
Umræðan á Íslandi fer stundum út í þetta t.d. ekki svo langt að ,,útlendingum” var fundið allt til foráttu, þeir skilgreindir undir þessum hatti að vera ,,hinir”.
Í augnablikinu eru það svo öryrkjarnir sem eru upp til hópa skattsvikarar og eru að gera sér upp veikindi því það er svo miklu betra að lifa örorkubótum en t.d. atvinnuleysisbótum. Umræðan í hádegisþættinum seinasta sunnudag á Ská einum var með ólíkindum. Hann Helgi Hjörvar var eini með viti í þessari umræðu. Ekki tók svo betur við í gær í Fréttablaðinu þegar Jón Gnarr fór að ræða um þá sem ,,minna mega” sín sem verður að gefa ölmusu og svo alla hina ábyrgðalausu sem nenna ekkert að gera og leika sér að því að fara á örorku (sem er alls ekki auðhlaupið í rauninni.)
Hvað liggur undir svona umræðu er það græðgi???? Við viljum meira, þau eru að fá of mikið? Ef við greiðum minna í samfélagshjálp verðum við þá sjálf ríkari?
Sæl að sinni.
Byrjaði á að horfa á endursýndan ruslaþátt með Heiðari með tveimur stelpum sem rusla meira út en við mæðgurnar, hugsunin var að ná mér í orku til að efla mig í eigin rusla-tilfærslu. Fannst þessi kenning um svarta holið nokkuð góð hjá ljóshærðu stelpunni, annars hélt ég að allt sem færi þar inn kremdist í klessu eða sogaðist inn í eitthvað micro-verse. Held frekar að hlutirnir leki inn og út í hliðstæðar tilverur (paralell universities) þar sem hliðstæður af mér eru að nota sumt af þessu dóti og þess vegna endar þetta oft uppi á öðrum stöðum, hm, þýðir þetta þá að þeir hlutir sem týnast aldrei sé ekki eign hinna Njólanna í hinum hliðstæðunum, - þarf að pæla betur í þessu. En semsagt fékk enga orku úr úr þessu glápi. En er samt búin að vaska upp 4daga uppvask (ég játa mig seka,:0P)skúra eldhúsgólfið, baðherbergisgólfið og forstofuna. Fatta nú að það er gersamlega tilganglaust því eftir morgundaginn verður hér snakk og mylsna um allt. Fá lánuð hænsni til að týna upp mylsnu? Nei, þá þarf að skúra dritið úr þeim. Enn önnur brilliant hugmynd bites the dust! Skrítið með þessar hugmyndir sem eru svo frábærar allavega í fimm sekúndur þar til praktíski heilinn tekur þær og sýnir fram á fánýti þeirra.
Annars var ég helvíti löt í morgun, er svo gott að kúra. Lappirnar vildu ekki fara á fætur fyrr en eftir mikla áeggjan.
Var að reyna að breyta útlitinu á síðunni en tókst bara að eyða liðnum stylesheet í indexes, langaði að vera svona rauð eins og sýnt er síðu movable type
hætt í bili áður en þetta rústast allt
ble
Var svo slöpp í gær að ég gat ekki einu sinni marserað á 1.maí.
En hef það af í dag að gersamlega harsjóða tvö egg til helvítis. Ákvað að skreppa út í apótek að sækja ofnæmislyf sem væntanlega eiga eftir að laga líðan mín og mundi svo þegar ég var búin að bíða í rúman hálftíma eftir töflunum að ég hafði verið að sjóða egg. Flýtti mér eins brjálaður héri heim og þóttist sjá að reykurinn var komin um allt, en nei gluggarnir bara svo skítugir. Eggjahvítan varð drapplituð og gulan skrapp saman og var svona græn, hmm. Svo kórónaði ég allt með að éta þau, what an exiting day! Fór reyndar eftir hádegi niður á skrifstofu ÓFS og ég og alþjóðafulltrúinn reyndum að dagsetja fund á Akureyri, verður víst að vera í júní. Helgar í maí eru hvítasunnu-júróvision-afmælis-útstáelsi. Á morgun fyrir dyrum heljarinnar tiltekt, unglingurinn með náttfatapartí á miðvikudag. Verð eflaust að vinna á skrifstofu ÓFS eftir hádegi á morgun og miðvikudag. Var beðin um að sjálfboðaliðast á sunnudag fyrir rauða krossinn, á ég að nenna?
Gleðilegt sumar með snjókomu á bland, allavega í dag.
Ný lífræðitilraun komin í gang, ætla að prófa að éta blágrænþörunga næsta mánuðinn og breytast í Mighty-Njóla, frekari fréttir af því seinna.
Powered by WordPress