kolbeinn

Þau eru misjöfn morgunverkin. Í gærmorgun var ég mættur klukkan níu á Hvanneyri að taka viðtal við næsta framkvæmdastjóra Bændasamtakanna, fór þaðan upp í Bæjarsveit að taka viðtal við stórskemmtilegan kall sem er með söfnunadellu og mátti svo haska mér til Reykjavíkur til að ræða við nýjan forstjóra Símans.

Í morgun safnaði ég bjórflöskum og -dósum í fjóra kúffulla haldapoka, sígarettupökkum og öðru rusli í fullan haldapoka, strauk af og skúraði og bölvaði bjórinnflytjendum, gestum sem hella niður, fólki sem drepur í sígarettum í bjórflöskum og ýmsu fleiru lauslegu.

En mikið var gaman á Keine í gær og gestirnir ekki af verri endanum.