Ég verð að kallast eldhress með að Spánverjar hafi landað titlinum fremur en Þjóðverjar. Og leikurinn var góður, svo að áhyggjur mínar af passívum og of stabílum leik voru óþarfar.
Einhvern veginn kemur smá léttir eftir að þessu er lokið, núna þarf ég ekki að hafa samviskubit yfir að sitja inni í góðu veðri. En þá vaknar stóra spurningin: Á ég að fara aftur með sjónvarpið niður í geymslu?
Sjáumst á vellinum í dag. Landsleikurinn hefst kl. 16:30 og því kjörið að mæta á hann og svo beint heim að horfa á karlaboltann.
En mikið hefði ég viljað sjá Tyrkina taka þetta í gær. Þeir voru bara svo miklu skemmtilegri. Held með Rússum í kvöld. Eftir að Króatar duttu út ákvað ég að halda með því liði sem ynni í leik Hollendinga og Rússa, enda hefði verið glapræði að velja strax annað liðið og eiga á hættu að upplifa tapleik “sinna manna” tvo daga í röð!
Það væri ekki verra að fá ábendingar um einhvern sem hefur komið til eða er frá Malí. Ég get víst hvorki tekið viðtal við mig né Alla enda er hann á Indlandi.
Önnur lönd sem væri gaman að fá einhverja punkta um:
Kenýa
Botswana
Jórdanía
Indland
Egyptaland
Tæland
Allar hressandi ábendingar þegnar!
Nú skrifa ég reglulega í mitt ágæta blað, að eigin viti auðvitað ódauðlega pistla og um hin mestu þjóðþrifamál. Ég hef verið með sjónvarpsþætti og er nú með útvarpsþátt, birtist í spjallþáttum og held erindi um hvippinn og hvappinn.
En athyglin sem ég hef fengið fyrir að sjást í EM þáttunum er margföld sú sem ég hef fengið fyrir allt hitt. Þá horfa allir. Spurning um að reyna að nota tækifærið og romsa einhverju út úr mér um varnarmál eða kynbundið ofbeldi við næsta tækifæri.
Nú er ég formlega orðin meistari. Og þá geng ég í hringi og syng aggagaggagagg.
Tomma í bankann, algerlega málið.
***
Takk kæru vinir og ættingjar sem fögnuðuð með mér á laugardag. Mig langar helst að verða doktor strax til að geta haldið annað svona partí.
Svo fékk hann sér bara kökusneið og djúsglas og talaði um fjósið. Og nú er hann ekki lengur ritstjóri Moggans.
***
Patrekur er fluttur frá sjálfum sér en virðist um leið vera að koma til sjálfs sín eftir að hafa safnað sér saman. Svona er Patrekur flókinn og margbrotin persónuleiki.
***
Hvað verður þá um mig? spurði ég meðan mesta dramatíkin gekk yfir, en áttaði mig svo á að ég fór víst ekki fet, og verð áfram á mínum stað.