Á jarðhæð Alþingis er lítið gat í hringlaga bergi og leggi maður eyrað upp að því hvíslar það gáfuleg orð. Örþreytt eftir langan vinnudag gærdagsins ákvað ég að taka með mér vísdómsorð heim og lagði eyrað að berginu á leiðinni út. Þá var hvíslað: “Farðu í rass og rófu”.
takk og bless.
Glóey er komin með nýtt áhugamál sem er að hvolfa vatns- og matardöllunum sínum. Það finnst henni stórskemmtilegt sport. Refsiaðgerðir mínar felast einkum í því að gera henni ljóst að þá fái hún akkúrat ekki neitt að éta fyrr en næsta dag. Það ætti að kenna henni.
ó patrekur, er sameinaður á ný.
Sumarið er tíminn. Patrekur er vegurinn og lífið.
Það er auðvitað skiyldumæting á þetta:
Á tímum þegar ráðamenn fórna höndum, þegar Öryggisráð virðist skipta öllu máli, og þegar matar- og bensínverð vex samhliða græna litnum, er ekkert sem stöðvar skáldin í að bjóða upp á ókeypis menningu. Skáldafélagið Nykur stendur fyrir þéttri og öflugri ljóðadagskrá næstkomandi sunnudagskvöld, 18. maí, á efri hæð Barsins (með stóru b-i). Á boðstólum eru reynd skáld, hálfreynd skáld og fersk skáld; sannkölluð blóðljóðablöndun.
Nykurskáld:
Emil Hjörvar Petersen
Guðmundur Óskarsson
Halla Gunnarsdóttir
Oddur Sigurjónsson
Sigurlín Bjarney Gísladóttir
Sverrir Norland
Toshiki Toma
Gestaskáld:
Ísak Harðarson
Kristján Ketill Stefánsson
Skáldskapurinn hefst kl. 21:00 og verið öll velkomin!
Nafn mitt er nefnt tvisvar í 24 stundum í dag. Geri aðrir betur.
Ætli það væri taktlaust að fara í ritdeilu við tilvonandi yfirmann sinn? Pæling.
Drekka vín í góðu kompaníi x4, check.
Fótboltaæfing, check.
Sund, check.
Ganga á fjalla, check.
Heimsókn til vinkvenna, check.
Borða góðan mat x4, check.
Bíltúr út úr bænum, check.
Þegja í 2 mínútur í Laugardal, check.
Hlúa að andlegri heilsu, check.
Lesa blöðin í rólegheitum, check.
Spila á gítar, check.
Ég er ekki frá því að ég sé uppgefin.
Mér finnst ég svo miklu öruggari í dag en í gær. Nú eru Frakkarnir komnir. Hjúkk.
Eftir að ég losaði mig við ritgerðina hef ég svona smá aukatíma til að gera alls konar vitleysu. Eitt af því sem mér datt í hug að gera var að reikna Silfur Egils frá sl. sunnudegi. Eftir svona temmilega nákvæma útreikninga kom í ljós að ég talaði í 5 mínútur, Magnús Þór í 5 og hálfa, Þráinn Bertelsson í rúmar sjö mínútur og Pétur Tyrfingsson í rúmar níu mínútur.
Annað áhugavert í útreikningunum er að ég náði tvisvar sinnum að tala í meira en mínútu en annars var ég stoppuð áður (að undanskildu einu skipti þar sem ég stoppaði sjálf). Lengstu ræður karlanna tóku 2:42 mínútur hjá Magnúsi, 2:34 hjá Þráni og 3:22 hjá Pétri. Hlutfallið snarlagaðist í lok þáttarins þegar rætt var um NATO og varnarmál en þá fékk ég aðeins að blása. Fram að því hafði ég talað í þrjár mínútur.
Finnst einhverjum að ég ætti að finna mér eitthvað betra að gera? Ég skal ekki segja…
Hitt er þó víst og það er að vart er hægt að saka mig um að vera ekki málglöð svona almennt.