Í bílnum á heimleiðinni síðustu helgi vorum við með afganga af veigum liðinnar helgar, þrjá bjóra. Dósabjórarnir sprungu en flöskubjórinn hefur nú skilað sér í hendur fyrri eiganda síns, ásamt einni lúffu sem faðmaði hann á leiðinni suður.
Marmelaðikrukkurnar sem ég keypti brotnuðu hins vegar báðar.
Ég skil ekki fólk sem talar alltaf við sjálft sig. Ég tala bara við Glóey og Óla og Palla. Það er alveg nóg.
að tæki maður þynnkuna út fyrir fyllerí, myndi ég drekka talsvert sjaldnar og minna.
Þú ert í húsi á Suðureyri. Með þér eru mamma þín og dóttir hennar, þ.e. hálfsystir þín, pabbi þinn og dóttir hans, þ.e. önnur hálfsystir, vinkona þín til bráðum sautján ára og vinur fyrrnefndu hálfsysturinnar.
Pabbi þinn og mamma eru ekki saman.
Í húsinu eru tvö svefnherbergi með samtals fjórum rúmum og með í för eru dýnur fyrir rest. Spurt er: Hvernig raðarðu í herbergin?
Að gefnu tilefni skal tekið fram að lausnin er ekki 2 fram í, 3 aftur í og restin í öskubakkann.
… a.m.k. ekki á bílnum sem ég lagði af stað á. Hann vildi heldur vera á hvolfi úti í fjöru í Djúpinu. Við vorum líka á hvolfi í smástund en tókst að koma okkur á réttan kjöl með einstakri yfirvegun. Það er mesta mildi að ekki fór verr. Eftir stöndum við með ónýtan bíl en endalaust þakklæti fyrir allt góða fólkið sem kom til aðstoðar og fyrir að allir útlimir virki ennþá rétt.
Ég varð allt í einu alveg hræðilega geðvond. Er með bólu í munnvikinu og ekki frá því að ég hafi bætt á mig a.m.k. 10 kg. í nótt. Svo greip mig óstjórnleg sælgætislöngun. Sem væri svo sem í lagi nema að ég finn ekki bragð af neinu og það er ekkert gaman að borða bragðlaust nammi.
Ég gleymdi næstum stórviðburði dagsins. Í dag er Patrekur 4ja ára. Fyrir fjórum árum skrölti hann upp í fjöllin í Kompot héraði í Kambódíu. Hann ferðaðist um heiminn í leit að sjálfum sér, og fann sig.
Patrekur sjálfur er annars vegar á Suðureyri og hins vegar á leið frá Mexíkó til Mílanó. Ætli pílagrímsferðinni til Patró verði ekki frestað um ár.
Til hamingju með daginn Patrekur, nær og fjær.
Á sumum bloggsíðum fara fram gáfulegar rökræður, öðrum mjög heimskulegar.
Mér sýnist að helstu niðurstöður úr kommentakerfinu mínu síðustu daga séu eftirfarandi:
Laugardagar eru ekki sunnudagar.
Miðvikudagar eru ekki sunnudagar.
Geri aðrir betur.