Hér er draumurinn

Femínistaboð eru með því skemmtilegasta sem ég veit. Skilst samt að ég hefði betur hangið aðeins lengur í boði föstudagsins, hvort ljóð eftir Diddu fylgdi með veit ég hins vegar ekki…

***

Ég er búin að eiga alveg hreint ágæta daga, vinna vel og vinna síðasta fótboltaleik ársins, sem er mikið kappsmál í Knattspyrnufélagi Magnúsar Finnssonar. Ákvað svo að eyða orkunni í að vera pirruð í dag og þá held ég að það megi bara alveg koma nýtt ár. Flýg út kl. 8 á nýársdagsmorgun, svo sem ekki í fyrsta sinn sem ég tek upp á að vera á ferðinni á þeim ágæta tíma. Næ heim right on time til að taka við afmælispökkum.

***

Og mikið svakalega er flott að Margrét Lára hafi verið kosinn íþróttamaður ársins. Vel að því komin. Litlu stelpurnar sem ég þjálfaði fyrir austan vissu ekki nöfn á neinu fótboltafólki, nema Margréti Láru, hún var aðal.