Hér er draumurinn

ég lasin og tölvan bannar mér að horfa á dvd-ið sem ég leigði fyrir andvirði eins bjórs á barnum. það þykir mér hart.

svona bankar einsemdin upp á þegar síst er von á henni. eða eikkvað álíka dramatískt.

Ég fíla Línu Langsokk svo vel.

Ég fór alveg hræðilega öfugt fram úr rúminu í morgun. Það mistókst næstum allt sem gat mistekist. Ég sturtaði páfagaukamatnum á gólfið, missti hárþurrkuna, smurði mygluðu smjöri á hrökkbrauð og datt um reimarnar á buxunum mínum. Líf og fjör.

Blessunarlega öll að koma til og ná að tengjast útlimunum þannig að ég hafi á þeim stjórn.

***

Í fótbolta í hádeginu (sem var því miður litaður af því hversu öfugsnúin ég var) hófust leikar með hinni stórskemmtilegu reglu að einn leikmaður varnarliðs megi ekki koma aftur fyrir miðju. Þegar ég bjó í Danmörku var innanhússbolti alltaf spilaður með þessari reglu og eins mikið og ég blótaði henni fyrst þá fannst mér hún eiginlega alveg stórsniðug.

Því miður gekk e-ð illa f. menn að skilja regluna í dag og henni var því sleppt. En kannski næst.

Í þessum rituðu orðum er smiður heima hjá mér að skipta um hurð. Ég hef smá áhyggjur af því að ég náði ekki að ná nafnskilti Patreks af gömlu hurðinni. Patrekur deyr þó ekki með einu skilti, því orðstír hans lifir, að eilífu.

Ég var annars að spá í að reka mig snyrtilega utan í kommóðuskúffuna sem er brotin og athuga hvort smiðurinn myndi ekki aumka sig yfir mig og Glóey og heimta að fá að laga hana. Því að ég lagaði hana einu sinni, en hún var bara dálítið skökk.

Á laugardagskvöldið kom einn maður til mín og spurði hvern fjárann ég hefði verið að ætla með að hafa boðið mig fram sem formaður KSÍ og sagðist jafnframt ekki hafa kosið mig, hefði hann getað. Annar kom og sagði að það væri algjör skandall að ég hefði ekki orðið formaður og sá þriðji spurði hvað ég hefði gert við karlalandsliðið.

Ég sagði honum auðvitað að ég hefði bara lagt það niður.

Skemmtilegt að kynnast mönnum á barnum.

Mæli með því að skrifa undir áskorun til stjórnvalda í tilefni af 16 daga átaki gegn kynbundnu ofbeldi.

Bílafyrirtækið sem birti auglýsingu í viðskiptablaðinu í gær af lyftara að lyfta upp pilsi konu og ota gafflinum að rassinum á henni hefur nú beðist afsökunar og segir að þetta hafi verið mistök. Kom þeim alveg á óvart að auglýsingin skildi “misskiljast”. Hvað misskildist? Hver er misskilningurinn?

Ef ég segi: Negrar eru hálfvitar.

Get ég þá síðan sagt þegar einhver mótmælir: ó, afsakið, ég áttaði mig ekki á að þú myndir misskilja mig.

hann er rosalega mikið krútt og mér þykir ægilega vænt um hann. En nú er ég búin að hnerra í allan dag og get ekki haldið augunum opnum og ef e-n langar að passa hund í nokkra daga þá plís gefa sig fram.

Þetta er ekki alveg fyndið lengur. Ég má ekki yrða á Glóey þá verður Frakkur afbrýðisamur og geltir úr sér lungun. Ég reyni að klípa hann í rassinn, loka hann frammi, eða hvað annað sem mér dettur í hug, en allt kemur fyrir ekki. Glóey er smám saman að verða paranojd yfir hávaðanum og hefur ekkert fengið að fara út úr búrinu.

Spurning hvort ég fái e-n til að fara út að labba með Frakk meðan við Glóey eigum okkar eigin stund saman?

Spennandi líf ekki satt?

Rosalega er Leg vont leikrit.

Rosalega er Silja góður kokkur.

Rosalega finnst mér stressandi að vera bæði með hund og páfagauk. Ég þori ekkert að hleypa Glóey út af því að hún getur ekki flogið almennilega og ég óttast að frakkur myndi éta hana. Svo geltir hann eins og fjárhundar gera sem er ekkert sérstaklega vinsælt í blokkum. Ég þarf að fá uppeldisráðgjöf! Já og ef einhvern langar í hundalabbitúr, bara láta vita.