Hér er draumurinn

Mér finnst alltaf jafnmerkilegt að geta farið inn í e-t rör og endað bara í öðru landi. Í þetta skiptið þurfti ég að vísu að lenda í tveimur löndum áður en ég komst heim, en bjórinn í Bahrain gerði ferðina nógu góða fyrir mig. Sama mátti ekki segja um ferðafélagann og vinkonu mína sem tók upp á því að veikjast korteri áður en við lögðum af stað.

Ég er sum sé komin heim og nýt þess að ganga upp og niður laugaveginn og rekast á kunnugleg andlit. Ég gerði mitt besta í að vinna upp skuldina sem ég er í við bakkus á föstudag, enda ekki notið samvistar við hann alltof lengi, og er ekki frá því að ég hafi bara staðið mig ágætlega.

Ég hef enn ekki fengið mitt venjubundna menningarsjokk, kannski ég sé bara að þroskast?

Annars er ég kona í tebolla og ölkrúsir svona þegar það á við.