Hér er draumurinn

Frá einni og upp í sjö konur, allt frá táningsaldri og upp yfir fimmtugt, hafa haldið heimili í litlu íbúðinni minni hér fyrir austan undanfarna daga. Í gærkvöld lagðist ég upp í rúm í tómri íbúðinni og velti því fyrir mér hvað ég er eiginlega að gera með allt þetta pláss hérna. Það rifjaðist upp fyrir mér að fólkið sem Patrekur átti samneyti við í Taman Negara í Malasíu svaf alltaf í flatsæng, líka þótt það ætti sérherbergi og rúm, það var bara einhvern veginn huggulegra að hafa fólk í kringum sig. Ég er ekki frá því að ég sé sammála.

Ég get ekki hugsað mér betri félagsskap en þann þar sem endalaust er hlegið án þess þó að langt sé í einlægnina. Helgin var frábær.