Hér er draumurinn

Stundum þegar ég spurði hvað væri í matinn þegar ég var lítil svaraði mamma dintinn og dantinn. Það var venjulega til marks um að það væri ekkert sérlega góður matur.
***
Tölvan mín er nú hjá guðföður sínum. Hann er með permanent. Það er magnað.
Hann tuðar líka stöðug yfir að tölvan sé gömul og skilur ekki hvers vegna ég er til í að eiga gamla tölvu en ekki gamlan kall. Það er vandlifað í þessum heimi.
***
Ein kveðjustund að baki og nokkrar framundan. Glatað að eiga vini sem fara til útlanda áður en kona fer til útlanda og verða farnir aftur til útlanda áður en kona kemur heim frá útlöndum.
Hvar er annars Barbados? Hópferð?