Hér er draumurinn

Er þetta eitthvað sem Þorsteinn Pálsson tók upp á svona einn og hress að kalla Vinstri græn, Vinstri grænt eða er einhver málvenja fyrir því?

Fátt gladdi mig meira en að sjálfstæðisflokkurinn skyldi missa meirihluta sinn í Mosfellsbæ. Burtséð frá allri flokkapólitík þá hefur mér verið meinilla við þennan meirihluta og enn verr við lymskulegt útspil bæjarstjórans að senda öllum Mosfellingum peninga rétt fyrir kosningar. Væri ekki nær að lækka fasteignagjöld? Já eða jafnvel leyfa leikskólakennurum að eignast stóla til að sitja á svo þeir þurfi ekki að sitja á kollum sem eru ætlaðir fimm ára gömlum börnum?

Annars er ég hörð á því að í sveitastjórnarkosningum sé snjallast að kjósa það fólk sem maður telur best treystandi. Enda eru sveitastjórnarmál nánast hætt að snúast um hugmyndafræði og farin að snúast um einstaka framkvæmdir sem og forgangsröðun.