Hér er draumurinn

Ég er búin að vera með lagið við ljóðið um húsin í bænum á heilanum í góða tvo daga. Lagið er stórskemmtilegt og ég er ekki frá því að nágrannarnir hafi fengið það á heilann líka enda krefst lagið þess að það sé sungið hátt og við sambýliskona mín verðum seint þekktar fyrir að láta lítið í okkur heyra.

Ljóðið fjallar um fólkið sem er alltaf að byggja hús en deyr svo bara frá húsunum.
Spurning dagsins (og morgundagsins): Hver orti ljóðið?