Hér er draumurinn

Kókosbollur bragðast betur ef mar klínir þeim í andlitið í leiðinni. Það er aftur á móti frekar erfitt að ná þeim af andlitinu aftur.
Það sem er best við okkur er hvað við erum ýkt grilluð.

Úr Morgunblaðinu í dag:

“MYNDIR af dauðum svönum, sem menn í eiturefnabúningi eru að hirða upp sums staðar í Evrópu, hafa valdið konunghollum Bretum mikilli hryggð og áhyggjum. Í Bretlandi er svanurinn nefnilega allt að því hluti af konungsfjölskyldunni og drottningin er ekki bara sérstakur verndari þeirra, heldur líka löglegur eigandi. ”

Ég sé ekki annað í stöðunni en að birta milljón myndir af dauðum svönum og helst drepa fleiri. Er ekki hægt að dreifa fuglaflensunni? Þetta er augljóslega bara fáránleg viðkvæmni í þessum Bretum.
Hvað með tjáningarfrelsið?

Eftir fyrirlesturinn í Austurbæjarskóla í gær kom kona til mín og sagði: “Þetta var alveg ótrúlega góður fyrirlestur. Fyrst þegar ég sá að það væri komin einhver ung kona að messa yfir okkur hugsaði ég: “ohh, hvað ætli þetta barn viti hvað það er að tala um.” En síðan varstu bara mjög góð.”
Ég þakkaði kurteisilega hólið og verð að játa að ég skil konuna eiginlega nokkuð vel. Ég get ímyndað mér að það hafi verið strembið að vera grunnskólakennari síðustu 20 árin og ganga í gegnum allar þær breytingar sem hafa orðið á starfinu. Hver spekingurinn á fætur öðrum stekkur fram með nýjar nauðsynlegar hugmyndir og kennarar sitja alltaf uppi með þær upplýsingar að undanfarin ár hafi þeir hreinlega verið að eyðileggja börnin með röngum aðferðum við hitt og þetta. Grunnskólakennarar eiga að skila börnunum fullkomnum út í samfélagið, með hæfni til náinna samskipta og helst verðbréfaviðskipta í leiðinni. (Ég hvet til lesningar á lífsleiknihluta Aðalnámskrár grunnskóla, ég væri svona rétt að skríða upp úr 6.bekk.)

Nú hef ég heimsótt milli 30 og 40 skóla með Úr viðjum vanans og talað við kennarar úr meira en 50 skólum. Ef ég ætti hundraðkall fyrir hvert skipti sem ég hef gengið inn á kennarastofu og tekið er á móti mér með: “hvað get ég gert fyrir þig væna?”, svona eins og ég sé í 9. bekk, þá væri ég rík kona…

Jújú, hinn stórgóði fyrirlestur Úr viðjum vanans verður fluttur í Austurbæjarskóla í dag kl. 15. Kjörið tækifæri til að fræðast og hitta mig í leiðinni!

Þegar mar hættir í sjónvarpsþætti fær mar flösku af koníaki að gjöf.
Þegar mar drekkur flöskuna er gaman.
Næsta dag er ekki eins gaman.

Á fimmutdagskvöld kl. 20 ætlum ég og krukkan að segja frá för okkar á World Social Forum í Malí. Auk þess mun Viðar Þorsteinsson segja frá World Social Forum í Venesúela.
Fundurinn verður í friðarhúsi, á horni Njálsgötu og Snorrabrautar.
Það væri gaman að sjá ykkur!

Nánari upplýsingar á http://www.fridur.is

… er alveg eðalmynd, amk fjórða hvert atriði.

Ætli ég eigi einhvern tíma eftir að geta horft á heila mynd án þess að sofna?

Á þessari síðu eru hressandi tölulegar upplýsingar um ofbeldi gegn konum í heiminum.
Vissir þú t.d. að:

Allt að 70% myrtra kvenna falla fyrir hendi sambýlismanns

Um það bil 2 konur eru vikulega myrtar í Bretlandi af sambýlismönnum sínum (Joni Seager, 2003).

Í Bandaríkjum Norður-Ameríku er konu nauðgað á 90 sekúndna fresti

Ein af hverjum fimm konum verður fórnarlamb nauðgunar eða nauðgunartilraunar á lífsleiðinni

Ég fór á virðulegan fund hjá Þróunarsamvinnustofnun Íslands áðan. Ég var nokkuð róleg nema þegar ég fór að rífast við ónefndan prest um nálastungur og “ó”hefðbundnar lækningar.
Honum fannst ég óþarflega æst svo ég orti:

Bestur ertu blíður prestur
bjargar glötuðum sálum.
Mestur fyndinn fundargestur
finnst ég alveg á nálum.

xxx

Fréttablaðið er með einhver samfélagsverðlaun sem óskað er eftir tilnefningum til. Þar er m.a. hægt að verða uppfræðari ársins og hvunndagshetja ársins. Ég sting upp á að tilnefna Telmu Ásdísar sem hvunndagshetjuna og síðan hið stórgóða verkefni Úr viðjum vanans í einhvern flokkanna, t.d. samfélagsverðlaun eða uppfræðara ársins.
Úr viðjum vanans fyrirlesturinn náði til kennara úr meira en 50 skólum á Íslandi á síðasta ári og mæltist alls staðar vel fyrir. Tilnefning til svona verðlauna er alveg eðalauglýsing til áframhaldandi starfs!

Ég er að hugsa um að fara á barinn í kvöld, ölstofuna til tilbreytingar.
Sjáumst þar.