Hér er draumurinn

Föstudagur og lífið gengur sinn vanagang. Litla systir er 10 ára í dag. Svo sannarlega stórafmæli!! Ég er nú ekki búin að gleyma því hvað mér fannst það mikill áfangi að verða 10 ára.

Í gær hitti ég Palla gamla félaga á kaffihúsi. Við áttum snilldarkvöldstund. Ég fór að velta fyrir mér gildi vináttu. Við Palli höfum ekki hist í bráðum tvö ár. Samt var allt eins og það átti að vera. Bara aðeins meira að tala um en áður. Mér finnst líka svo gott að eiga samtal við fólk sem er meira eða minna sammála mér. Þannig æfi ég mig nefnilega í að tala við fólk sem er ósammála. Sammála vinirnir koma með snilldarkomment og alls konar sem ég svo get nýtt mér í samræðum síðar. Þannig kom Palli t.d. með snilldarpælingu varðandi hægri femínista sem ég ætla strax að gera að minni. Hægri femínistar hafa nefnilega vafist eilítið fyrir mér. Sérstaklega eftir öll greinaskrif þeirra með fullyrðingum um að kyn sé breyta sem engu máli skiptir í stjórnmálum. Femínísku gleraugun byggja hins vegar á því að það sé misskipt í upphafi á meðan hægri stefnan boðar að öll höfum við sömu tækifæri. Þarna er nefnilega meginmunur á. Mér þætti hins vegar gaman að heyra hægri femínista tjá sig um þetta mál.

En ég er alla vega búin að gera þá uppgötvun að vinir mínir eru það besta sem ég á (að sjálfsögðu fjölskyldan líka…). Kannski svolítil klisjuuppgötvun en engu að síður…

Sumarið er komið!!!! Ég hef reyndar alltaf haft svolítið vonda tilfinningu gagnvart vorinu. Vorið hefur nefnilega öllu jafna verið tími áfalla hjá mér. Fyrsta (satt best að segja eina) ástarsorgin var að vori, afi dó að vori og svo eru nú sum áföll sem eiga ekki heima hér. En nú hef ég ákveðið að taka nýjan pól í hæðina og líta frekar á vorið sem tíma breytinga en ekki áfalla. Breytingarnar geta verið ýmist jákvæðar eða neikvæðar og ég finn að það eru margs konar breytingar í aðsigi hjá mér, stórar og litlar. Stærsta breytingin er væntanlega það að vera búin með háskóla á leið út á vinnumarkaðinn. Minni breytingar eru að kuldaúlpan fer niður í geymslu

Jæja, nóg af röfli

Hrós:

Palli að sjálfsögðu fyrir skemmtilegt kvöld

Edda fyrir frábær samtöl, sí og æ!!

Daði fyrir að kenna 5. flokki kvenna Þraukaralagið!! Að vísu skipti hann “Drekkum danskan bjór” út fyrir ” Syngjum saman í kór”. Nokkuð gott rím hjá stráknum

Úffpúff

Þvílík helgi!! Spenna, freistingar, gleði, sorg, spennufall, þreyta, hamingja og bara allur tilfinningaskalinn !!

Á föstudag gerðist hið ómögulega. Það tókst að smala saman 6 perlum (kvennóvinkonurnar) með nánast engum fyrirvara !! Við fórum sem sé á kosningabrölt til að gera upp huga okkar varðandi kosningarnar. Framsókn gaf okkur bjór og leyfði okkur að tala við stelpu í 19. sæti. Við spjölluðum við hana ansi lengi og María missti sig yfir þeim 7 milljörðum sem bændastéttin hefur fengið í hreinan styrk. Viðmælandi okkar stóð sig ágætlega þar til í umræðum um kvótamál að hún tjáði okkur að faðir hennar ætti kvóta. Já og Halldór Ásgrímsson líka, eða réttara sagt fjölskyldan hans. María held ég að hafi verið opin fyrir framsókn þegar hún gekk þarna inn en þær dyr lokuðust strax. Vinstri grænir reyndu hvorki að kaupa okkur með bjór né með skattalækkunum. Þar fengum við að tala við æðstu menn og vá…. hvað við vorum öll sammála! Frjálslyndir voru búnir að loka en við duttum inn í ræðu Ingibjargar Sólrúnar á Felix. Ræddum svo við Ágúst Ólaf sem stóð sig ágætlega en talar að mínu mati allt of mikið í tölum! Skelltum okkur svo á Hverfisbarinn og áttum orð við Sigurð Kára. Já, hroki og silfurskeið eru þau tvö orð sem ég tel að lýsi honum best. Við vorum þvílíkt að trufla hann við bjórdrykkju og eflaust e-ð annað enda var hann með sogblett á hálsinum. Við komumst að því að kyn er breyta sem skiptir engu máli í samfélaginu og hvað þá í stjórnmálum. Hann komst áfram á verðleikunum einum saman. En samt var hann ekki endilega hæfari en konurnar sem duttu niður fyrir hann í prófkjöri, hann rak bara sína kosningabaráttu betur! Ég notaði frelsi mitt til að vera í fötunum þegar ég kvaddi hann. 3 perlur mössuðu svo Kofa Tómasar, snilld snilld snilld!

Já, þetta var svo sannarlega lærdómsríkt kvöld.

Kosningadagurinn var svo glæsilegur. Kosningavökurnar massaðar. Ég og Fífa saman. Neitum að drekka blóðið barna í írak þegar okkur var boðið í kosningakaffi sjálfstæðisflokksins

Fámenn en góðmenn kosningavaka heima hjá mér. Ég, Katrín og María. Já og Framsóknarhjónin. Nýjasti perlumakinn hættir sér ennþá inn í okkar félagsskap! Það var pólistískur andi yfir vötnum.

Við fórum svo í dántán og ég komst að því að ég er að verða gömul! Þvílíkt rugl. Ég held ég tali um það seinna. Ef ég hefði ekki rekist á gamlan vin sem ég hef ekkert heyrt í í tvö ár þá hefði þetta verið algjörlega lamað. En núna er ég alla vega búin að endurheimta skákfélaga minn og það stefnir allt í að maður skelli sér á Grandrokk og taki eina skák seinna í vikunni.

Ég kom heim undir morgun og sofnaði yfir kosningasjónvarpinu. Vaknaði eftir allt of stuttan tíma og fór að horfa á litlu systur keppa í fótbolta. Fyrsta mótið, fyrsta metalían, þvílík hamingja.

Ég var svo ónýt í gær. Ef ég vissi ekki betur hefði ég haldið að ég væri að deyja úr þynnku. Óreglulegur svefntími og reykjarmökkur skemmtistaðanna nægir víst til að ganga að mér dauðri !!

En pólitíkin: Það var stigið ákveðið skref í þessum kosningum. En ekki nógu stórt skref, því miður. Sjálfstæðisflokkurinn hefur í það minnsta fengið viðvörun. Ég skil ekki, skil ekki, skil ekki, að Framsókn skuli hafa haldið öllu þessu fylgi. Hvað voru þeir að gera svona frábært á tímabilinu sem leið???????? Svör óskast sem fyrst takk!

Ingibjörg ekki á þingi, vitanlega græt ég það. Vinstri-grænir tapa svo fylgi. Mér er sama hvað hver segir. Vinstri-grænir eru eini flokkurinn sem hafa staðið algjörlega með sínum stefnumálum og hugmyndum á þingi og í kosningabaráttu.

Það er óneitanlega sárt að ekki hafi tekist að fella ríkisstjórnina. Samt vann stjórnarandstaðan sigur í mínu kjördæmi og ég fagna því. Það eru blikur á lofti. En við eigum alla vega ennþá magnaða stjórnarandstöðu.

Lifi byltingin

Halla

Úffpúff

Þvílík helgi!! Spenna, freistingar, gleði, sorg, spennufall, þreyta, hamingja og bara allur tilfinningaskalinn !!

Á föstudag gerðist hið ómögulega. Það tókst að smala saman 6 perlum (kvennóvinkonurnar) með nánast engum fyrirvara !! Við fórum sem sé á kosningabrölt til að gera upp huga okkar varðandi kosningarnar. Framsókn gaf okkur bjór og leyfði okkur að tala við stelpu í 19. sæti. Við spjölluðum við hana ansi lengi og María missti sig yfir þeim 7 milljörðum sem bændastéttin hefur fengið í hreinan styrk. Viðmælandi okkar stóð sig ágætlega þar til í umræðum um kvótamál að hún tjáði okkur að faðir hennar ætti kvóta. Já og Halldór Ásgrímsson líka, eða réttara sagt fjölskyldan hans. María held ég að hafi verið opin fyrir framsókn þegar hún gekk þarna inn en þær dyr lokuðust strax. Ég efa að Jóhanna og maki hafi verið að fylgjast með umræðunum

Vinstri grænir reyndu hvorki að kaupa okkur með bjór né með skattalækkunum. Þar fengum við að tala við æðstu menn og vá…. hvað við vorum öll sammála! Frjálslyndir voru búnir að loka en við duttum inn í ræðu Ingibjargar Sólrúnar á Felix. Ræddum svo við Ágúst Ólaf sem stóð sig ágætlega en talar að mínu mati allt of mikið í tölum! Skelltum okkur svo á Hverfisbarinn og áttum orð við Sigurð Kára. Já, hroki og silfurskeið eru þau tvö orð sem ég tel að lýsi honum best. Við vorum þvílíkt að trufla hann við bjórdrykkju og eflaust e-ð annað enda var hann með sogblett á hálsinum. Við komumst að því að kyn er breyta sem skiptir engu máli í samfélaginu og hvað þá í stjórnmálum. Hann komst áfram á verðleikunum einum saman. En samt var hann ekki endilega hæfari en konurnar sem duttu niður fyrir hann í prófkjöri, hann rak bara sína kosningabaráttu betur! Ég notaði frelsi mitt til að vera í fötunum þegar ég kvaddi hann. 3 perlur mössuðu svo Kofa Tómasar, snilld snilld snilld!

Já, þetta var svo sannarlega lærdómsríkt kvöld.

Kosningadagurinn var svo glæsilegur. Kosningavökurnar massaðar. Ég og Fífa saman. Neituðum að drekka blóð barna í írak þegar okkur var boðið í kosningakaffi sjálfstæðisflokksins

Fámenn en góðmenn kosningavaka heima hjá mér. Ég, Katrín og María. Já og Framsóknarhjónin. Nýjasti perlumakinn hættir sér ennþá inn í okkar félagsskap! Það var pólistískur andi yfir vötnum.

Við fórum svo í dántán og ég komst að því að ég er að verða gömul! Þvílíkt rugl. Ég held ég tali um það seinna. Ef ég hefði ekki rekist á gamlan vin sem ég hef ekkert heyrt í í tvö ár þá hefði þetta verið algjörlega lamað. En núna er ég alla vega búin að endurheimta skákfélaga minn og það stefnir allt í að maður skelli sér á Grandrokk og taki eina skák seinna í vikunni.

Ég kom heim undir morgun og sofnaði yfir kosningasjónvarpinu. Vaknaði eftir allt of stuttan tíma og fór að horfa á litlu systur keppa í fótbolta. Fyrsta mótið, fyrsta metalían, þvílík hamingja.

Ég var svo ónýt í gær. Ef ég vissi ekki betur hefði ég haldið að ég væri að deyja úr þynnku. Óreglulegur svefntími og reykjarmökkur skemmtistaðanna nægir víst til að ganga að mér dauðri !!

En pólitíkin: Það var stigið ákveðið skref í þessum kosningum. En ekki nógu stórt skref, því miður. Sjálfstæðisflokkurinn hefur í það minnsta fengið viðvörun. Ég skil ekki, skil ekki, skil ekki, að Framsókn skuli hafa haldið öllu þessu fylgi. Hvað voru þeir að gera svona frábært á tímabilinu sem leið???????? Svör óskast sem fyrst takk!

Ingibjörg ekki á þingi, vitanlega græt ég það. Vinstri-grænir tapa svo fylgi. Mér er sama hvað hver segir. Vinstri-grænir eru eini flokkurinn sem hafa staðið algjörlega með sínum stefnumálum og hugmyndum á þingi og í kosningabaráttu.

Það er óneitanlega sárt að ekki hafi tekist að fella ríkisstjórnina. Samt vann stjórnarandstaðan sigur í mínu kjördæmi og ég fagna því. Það eru blikur á lofti. En við eigum alla vega ennþá magnaða stjórnarandstöðu.

Lifi byltingin

Halla

Jæja, þá er síðasta verkefninu mínu við Kennaraháskóla Íslands formlega lokið. Heimasíða um hagnýta stærðfræði fyrir grunnskólanema. Þið getið kíkt á hana á http://nemendur.khi.is/hallgun/stae Sigrún Helga! Ég veit þú ert að tjékka núna

Ég er sem sé orðin kennari. Vantar bara pappírana. Annars var ég að rekast á gamlan félaga og það er nú alltaf skemmtilegt. Við áttum gott spjall um pólitíkina í landinu. Alltaf gaman að spjalla þegar mar er sammála

Í kvöld ætlum við Diljá á kosningaskrifstofurölt og á morgun verður kosningavaka heima hjá mér. Allir vinir mínir og kunningjar eru hjartanlega velkomnir….. en bara ef þið nennið að sætta ykkur við að ég hef áhuga á þessu öllu saman og fylgist vel með… Engin læti þegar tölurnar eru kynntar, spennandi partý ekki satt??

Ég hef fengið nokkrar samúðar og stuðningskveðjur eftir síðustu skrif um húmor. Hér með koma á framfæri þakkir til þeirra sem skilja mig

Annars ætti ég að vera á æfingu núna…. Dreif ekki á æfingu vegna anna. Meiri vitleysan. Ætla að skokka sjálf en það er nú alltaf mun leiðinlegra.

Ég er ekki búin að ákveða hvað ég ætla að kjósa en fólk bíður spennt. Er það menn eða málefni eða réttara sagt: Taktík eða málefni?? Á ég að kjósa til þess að koma núverandi stjórn frá eða kjósa flokkinn sem er snilldarfemínískur..??

En jæja, ætli ég yfirgefi ekki Kennaraháskólann að sinni….. Það er mikil dramatík í loftinu !!

Mér leiðast breytingar nema þær séu í formi byltingar!

Ég vona að þið setjið öll X á skynsamlegan stað á morgun.

Lifið heil

kkk

Prufa prufa

Það er margt sem brennur á mér í dag. Nú er skólatörnin liðin og þá er kominn tími á smá sjálfskoðun sem hver manneskja ætti að fara í gegnum reglulega. Svona eins og vorhreingerningu. Varðandi mig þá er eitt sem hefur nagað mig alveg heilmikið. Ég uppgötvaði það ekki almennilega fyrr en í Lalandia á fundi um liðuppbyggingu. Þá segir Íris þjálfari: ,,Einu sinni sagði Halla t.d. eitthvað sem mér fannst alveg fáránlegt en svo eftir að ég kynntist henni betur fattaði ég að hún var bara að grínast.”

Mér fannst það náttúrulega ferlega fyndið en í framhaldi af því hef ég opnast meira og meira fyrir því hversu algengt það er að fólk fatti hreinlega ekki að mér er ekki alvara með helmingnum af því sem ég segi!!

Ég er nú svo heppin að eiga góða vini og vinkonur sem skilja þetta grín og grínleysi mitt og ég get t.d. alltaf hringt í Bjarna eða Fífu og sagt þeim alla fyndnu brandarana sem enginn hló af……

En í framhaldinu hef ég verið að velta fyrir mér þessu fyrirbæri sem húmor er og hvernig hann virkar. Kenningin mín er þannig að allt grín flokkast í raun á tvö svæði:

1. Örugga svæðið: Þarna býr allt svona almennt grín sem flest geta verið sammála um að hægt er að hlæja að. Þegar ég fer í atvinnuviðtöl held ég gríninu á örugga svæðinu. T.d. með því að stinga upp á því við aðstoðarritstjóra moggans að ég fengi skrifstofuna hans ef ég yrði ráðin á blaðið.

2. Áskorunarsvæðið: Þarna býr grínið sem fellur fyrir utan öruggasvæðið. Þarna eiga langlanglangflestir brandararnir mínir heima. Þarna fellur fyndni sem ekki endilega öll skilja og ég er farin að gera mér grein fyrir því að þau sem ekki þekkja mig fylgja ekki endilega með….. Eins og t.d. þegar ég segi mjögmjög lélega brandara þá er það yfirleitt af því að mér finnst þeir svo lélegir að þeir fara allan hringinn og verða fyndnir.

Ég vona að sem flest ykkar sem hafa samskipti við mig lesi þetta og gerið ykkur grein fyrir því að oftast þegar þið hneykslist á mér eða verðið móðguð þá er ég meira eða minna að grínast. Ég er t.d. að grínast þegar:

- ég segi lamaða brandara

- ég segi eitthvað neikvætt við ykkur (það er kannski grín sem er vert að endurskoða og jafnvel minnka þátt þess)

- ég röfla!!! Ef ég vil koma óánægju minni til skila þá kann ég því betri leiðir en með nöldri. Hins vegar nota ég stundum nöldur sem boðleið en þá er nöldrið grín sem er smíðað utan um einhver skilaboð. Eins og t.d. þegar ég segi eins og versti nöldrari: Bjarni þú þværð aldrei þvott. Þannig létti ég andrúmsloftið með nöldurgríni en um leið kem ég því til skila að mér finnst kominn tími á að Bjarni hendi í vél…

En þetta eru nú samt allt saman pælingar. Það væri gaman að heyra hvað ykkur finnst um húmor og birtingarmyndir hans.

Lifið heil!!

hrós: Að sjálfsögðu Íris þjálfari fyrir að kunna að forgangsraða lífinu sínu

Já og Fífa fyrir að fara alltaf enn lengra út fyrir örugga svæðið en ég !!

Ja hérna!! Þvílíkt spennufall. Og hvað hefur ekki genið á!!

Síðasta miðvikudag var lokaverkefnið prentað út, það tók ekki nema 6 tíma !! Látum það vera að tóner klárist í bleksprautuprentara en þegar laserprentari í öðru bæjarfélagi klikkar líka þá er nú fokið í flest skjól.

Svo var þvílíkt stress að læra undir massastærðfræðipróf. Ég á heilmikið bágt með að skilja tilgangin með prófum, en hvað þá með prófum með allt of stuttum tíma til undirbúnings!

1. maí fór pása dagsins í að skella sér á samkomu femínista í Þjóðleikhúskjallaranum. Ég hélt ávarp og það var ofsa gaman. Vantaði samt nokkra vini og vinkonur (og mömmur) sem hefði verið gaman að deila stundinni með…

Á föstudag voru KHÍ kennara kvaddir. Eitt hef ég að segja….ÉG HATA KVEÐJUSTUNDIR!! Það er komin svona létt dramatík í mig yfir að þessum áfanga sé lokið. Mér leiðast alltaf breytingar nema að þær séu í formi byltingar.

Ákvarðanirnar þessa dagana eru alveg að fara með mér. Hvar er starfskrafti mínum best borgið? Á ég að fara að kenna eða á yfirlýst fýla mín út í kjarasamningana að halda mér frá því? Hvenær á ég að fara til útlanda? Hvert? Nú er þetta allt saman að hellast yfir !!

Nú og svona meira til skamms tíma: Hvað á að kjósa??

Það verður nú að koma í ljós á komandi viku. Núna ætla ég heim og svo neyðist ég til að skreppa og kaupa mér nýjan síma Það var nú ekki mikil aðstoð í því að hann skyldi hverfa í miðju stærðfræðidæmi!!

Hrós fá: Sigrún Helga fyrir heilmikla aðstoð í gær!! Sínus og kósínus sannanir urðu barnamatur með hennar hjálp !!

Kata fyrir að vera að massa Perlufjör

Lifið heil!

ps. í kvöld fer ég á æfingu… Get ekki beðið !!