Hér er draumurinn

Hæ og hó á laugardegi

ég sit enn uppi í skóla. Tók eftir að kominn væri tími á að uppfæra blogg…..

Ég er með hríðir. 9 mánaða meðganga brátt að baki….. Á föstudag er svo fæðingin….

Já, dömur mínar og herrar… ég er að verða búin með lokaverkefnið mitt við Kennaraháskóla Íslands. Að vísu er kominn ágætis tími síðan ég var að verða búin en það er ótrúlegt hvað það er mikið snurfus í kringum svona verkefni. Ég hangi við tölvuna frá morgni til kvölds en alltaf er eitthvað sem vantar upp á!

Mánudaginn 5. maí fer ég í próf í stærðfræðigreiningu. Eftir það er þessu lokið og ég hætti formlega að vera námsmaður, alla vega um sinn. Miklar blendnar tilfinningar það. Leiðinlegt hvað þessir skólar þurfa alltaf að sparka manni út.

Ég var að uppgötva hvað greiðslubyrði námslána er þung… oó… ég hlakka ekki til !!

Það styttist óumdeilanlega í kosningar. Femínistafélagið setur mark sitt á baráttuna. Hver flokkurinn á fætur öðrum spjallar um jafnrétti o.fl. Ég er ekki enn búin að ákveða hvaða flokkur verður fyrir valinu en eins og flest vita er núverandi meirihluti ekki í uppáhaldi hjá mér !!

Vinstri grænir fá plús fyrir að skilgreina sig sem femínískan flokk. Frjálslyndir fá plús fyrir stefnu í heilbrigðis- og skólamálum, það er gott að það er til hægri flokkur sem gerir sér grein fyrir að SAMkeppni er ekki hið eina heilaga svar við öllum heimsins vanda. Ingibjörg Sólrún er í mínu kjördæmi….. Hún er búin að hleypa miklu lífi í kosninabaráttuna með sínum ræðum. Samfylkingin er eina almennilega vopnið gegn núverandi meirihluta… Ótti sjálfstæðismanna er meiri en nokkru sinni áður !! Nýtt afl á ekki upp á pallborðið hjá mér. Ástæðan er einföld: Allt of margir kallar. Ég hef ekki enn heyrt konu tala fyrir þeirra hönd…. Auk þess eru þeir allir úr framsókn eða sjálfstæðis….

Jæja, nóg um kosningar í bili. Næst tek ég kannski á því af hverju kyn er breyta sem skiptir máli í stjórnmálum, það er mikið ritað og rætt um það þessa dagana.

Lifi rokkið

ps. 5. maí vil ég gjarnan endurheimta allar mínar vinkonur og vini. Ég ætla að vera dugleg að mæta á æfingar og harkast fyrir Femínistafélagið!!

Góðan dag og gleðilega páska

Fyrir þau sem ekki vita þá varð utanlandsferðin ekki eins og best hefði verið á kosið. Heimsóknin til Haslev stóð undir sínu en ég var samt ferlega þreytt eitthvað. Æfingaferðin hófst vel en ég hélt áfram að slappast og veiktist svo á sunnudagskvöld og fór heim á þriðjudagskvöld. Ekki gott á mig!

Ég reyni að vera pollýanna og benda mér á að ef ég hefði komið heim í kvöld (eins og áætlað) og veikst á morgun þá fyrst hefði allt farið í steik og ég ætti á hættu að útskrifast bara ekki neitt!! Ég er byrjuð á lærdómnum þrátt fyrir að veikindin séu ekki alveg búin að kveðja mig. Það gengur vel með B.Ed. verkefnið og nú kemur að því að öll sem ég var búin að biðja um að lesa yfir fá tækifæri til þess

Fífan kom í heimsókn í gær og við mössuðum skemmtilegan dag. Þorsteinn (hinn frægi Totti) kom svo í mat og Fífan með og það var nú bara hið huggulegasta. Eftir miklar samningaviðræður tókum við eitt Fimbulfamb sem endaði með ósköpum. Einhverra hluta vegna vann ég ekki….. og heldur ekki Fífa (sem hefði þó verið skárra)… Heldur Bjarni!!! Og honum finnst ekki einu sinni gaman að spila! 2. sætið vermdi svo Totti sem aldrei hefur spilað áður!! Og þetta er ekki einu sinni teningaspil þannig að ég get ekki röflað upp heppni…

jæja, nóg um röfl. Bjarni og Totti fá vitanlega hrós fyrir góða frammistöðu og svo Fífan fyrir skemmtilegan gærdag. Synd að mar skuli ekki hanga með vinum sínum meira…

Kastrup lufthavn heilsadi mer med sinni alkunnu reykingarlykt. For i magnada heimsokn i hreidrid (athvarf fyrir vændiskonur) i gær. Vard margs visari. Einhverjir hofdu misskilid ad eg væri ad koma en minir tryggu vinir Thomas og Peter satu ad sjalfsøgdu og bidu… Med bjor. Mikill hopthrystingur i gær. Folk hlær bara thegar eg segist vera hætt ad drekka, heldur ad eg se bara ad sprella…!!

Er ad fara til Lalandia nu a eftir. Kossar og knus yfir hafid.

Jæja, bara að minna ykkur á að ég er að fara til útlanda á fimmtudaginn. Annars er ég í fýlu núna og vil ekki skrifa af því að umræðunum í Perluklúbbnum í gær að dæma þá les aldrei nein allt sem ég skrifa. Nú og ef að þær lesa það ekki hver les það þá?!?! Ég er að hugsa um að snúa mér alfarið að því að blogga á dönsku því að ég gæti átt trausta lesendur þar…..

Annars er ég í vinnunni og er að kafna úr stressi út af milljón trilljón skrilljón hlutum sem ég á eftir að gera áður en ég fer út. Nú og ofan á það bætast milljón trilljón aðrir hlutir.

Fyrsti fundur ofbeldisvarnarráðs femínistafélagsins er á morgun. Ég get ekki beðið! Hlakka til að tala og tala og segja heyr heyr og vera í góðum fíling….

Vá maður! ég var næstum því búin að gleyma að ég er í fýlu og skrifa fullt. En ég er alla vega hætt.

Ég veit nú ekki alveg hverjum skal hrósa af því að öll hafa verið svo pirrandi undanfarið. Ég tek það fram að það hefur ekkert með skapið í mér að gera heldur allt hitt fólkið… Aldrei ég, oftast hinir. Það er svo gott að vera fullkomin!

Kyssikyss

ps. að gefnu tilefni skal tekið fram að síðustu línurnar eiga að vera írónía

pps. að gefnu tilefni skal tekið fram að írónía þýðir háð

Jæja, strax búið að fjölga í NBH. Djammdrottningin mikla komin í hópinn. Hún hefði að sjálfsögðu átt að vera tilgreind upphaflega en það er nú mikið skemmtilegra að fá umsókni Ég held ég gæti sært blygðunarkennd einhverra ef ég myndi greina frá afrekunum sem gera hana að hösler…. af guðs náð svo hennar orðalag sé notað!

Velkomin í hópinn Diljá sæta!!

Hrós: Mist og Gulla fyrir ótvíræða hæfileika, svita- og táfýlu og gúmmíkúlur

Jæja, hér eftir blogga ég aðeins í Word og færi það yfir, ég skelf af reiði yfir að það sé ekki undo takki í blogginu!!!

En alla vega, fundurinn í gær var snilld! Halla litla komin í tvö ráð og talaði og klappaði og klappaði og hrópaði heyr heyr og greiddi atkvæði með handauppréttingu.

En annars er ég í smá krísu þessa dagana, n.k. miðaldrarkrísu nema það að ég er ekki miðaldra. Krísan er tilkomin vegna orðspors míns sem breytist dag frá degi.

Ég held ég sé að umbreytast….. Umbreytingin er fólgin í eftirfarandi:

1. Úr djammaranum - bjór- og rauðvínsþambaranum í heilsusamlegu íþróttastelpuna!

2. Úr stelpunni sem mætir fyrst á alla félagslega viðburði (með bjór í hönd) í stelpuna sem mætir ekki eða of seint, drekkur trópí, borðar skyr og fer svo heim!

3. Úr töffaranum sem ekki ræðir tilfinningar í stelpuna sem talar um tilfinningar og mannlega þætti daginn út og inn!

4. Úr höslernum í…. ég veit ekki einu sinni hvað!!!!!!!!!!!!!!!!!!!

Nú kunna sum að segja að þetta sé nú breyting til batnaðar, ég samþykki það, sumpart og sumpart ekki. Það þarf nefnilega að athuga það að ég hef byggt mína sjálfsmynd á því að vera töff og að vera hösler. Þannig að öll breyting frá því er jafnframt ógn við sjálfsmyndina. Í atkvæðagreiðslu Þraukara um höslerinn man ég ekki betur en ég hafi ekki fengið neitt atkvæði. Já ég, sem stóð fyrir há tú hösl kennslu, ég sem varð óvanalega edrú eitt kvöldið af því að ég sat á milli tveggja karlmanna sem báðir vildu halda í höndina á mér! (erfitt að ná í glasið sjáiði) Já ég sem vann allar höslkeppnirnar í óld mosó tán……! Nú veit ég að mörg hugsa að það sé nú ekki við hæfi að gefa sig út fyrir að vera hösler en jafnframt í hamingjusamlegri sambúð. But you’re wrong! Hösler er nefnilega ekki endilega sá/sú sem höslar. Heldur manneskja sem kann að skapa skilyrðin. Hösler er nafnbót sem tengist persónuleika, viðmóti, útgeislun, taktík og svo framvegis.

Til þess að fá uppreisn æru er ég að hugsa um að stofna félag  NBH (natural born höslers). María Rún, Kata Ósk, Grettir og Óskar Jó eru strax boðin velkomin, þið hin skuluð fylla út umsókn. Athugið að öll mökun innan félagsins er stranglega bönnuð.

Að lokum: Tvö hrós í dag

1. Bjarni minn fyrir snilldartakta í heimilisstörfunum í gærkvöldi, eigum núna fína kommóðu sem er ekki í pörtum og ekkert ryk undir rúminu!

2. Mamma fyrir að senda mér sms úr Leifsstöð í morgun (fyrir kl. 7): Að sjálfsögðu með bjór í annarri. Hún veit um hvað þetta snýst

ps. Að gefnu tilefni skal tekið fram að Hösler Þraukara á nafnbótina svo sannarlega skilið og ef hún sækir um aðgang að félaginu mun umsóknin hennar hafa forgang

Halló á bissí þriðjudegi

Alls kons sem ég er búin að vera að pæla í undanfarna daga. Fór í laugina eftir strembna æfingu í gær. Við Katrín mössuðum pottinn og trúnó í bílnum á eftir. Ræddum íraksmál, sveitastjórnarpólitík og komandi alþingiskosningar. Snilldargaman!

Ég var rétt í þessu að ljúka partý og co spili með nokkrum félögum úr Hafnarfjarðarkirkju. Það er ótrúlegt hvað unglingar geta verið frábærir ef maður nær þeim í góðu tómi. Það var rosa gaman hjá okkur, en ég tapaði og það er nú ekki gaman.

María fer vel í pólitíkina á sínu bloggi og á hrós skilið. Ég er í mörgu sammála henni en fór samt að velta fyrir mér: Ef það væru einstaklingsframboð á Íslandi værum við þá betur sett? Þá þyrfti mar að kynna sér óendanlega margar stefnuskrár!!!! Eða frávik frá stefnuskrám…. Ég er alla vega hrifin af danska þinginu eins og það var hér áður en þetta er fyrsta kjörtímabilið með meirihlutastjórn. Það hefur alltaf þurft að ræða málin fram og aftur og fram og aftur…. Tímafrekt en skilar ábyggilega miklu.

Annars er valið hjá mér í augnablikinu milli 2 flokka: Vinstri grænna og frjálslynda. Samfylkingin ætti að vera með en þeir klúðruðu þessu með því að greiða gegn frumvarpinu um bann á kaupum á vændi. Já! Stundum væri gott að vera Svíi!!!

jæja, skundum í Hlaðvarpann á femínistafund í góðum fíling, ég hlakka rosa til!

Kyssikyss

Katrín fær hrós og knús fyrir snilldarlaugarferð og bílhang. Það er merkilegt hvað það lifir lengi í gömlum vinaglæðum!

Halla