Vitaskuld gat ég ekki látið undir höfuð leggjast þegar sú mæta skáldkona Sigurlín Bjarney skoraði á mig að smakka vín fyrir Arnar hjá Víni og mat. Það er víst til siðs að taka fram ef maður hefur reynslu á þessu sviði og tilkynni ég því hérmeð að ég get ekki kallað sjálfan mig vínfrömuð að [...]
Categories: Hugleiðingar
Categories: Kvikmyndir
Mætti illa sofinn í munnlegt próf í dag, og tókst svo merkilega til að ég dró efnið sem ég hafði skrifað um og var þó flestu stolið úr mér. Ég hætti mér ekki til að leggja mat á slíka íróníu. Og hefst þá in mikla bið …
Categories: Háskólablogg
Eftir árangurslausa tilraun til að festa kaup á skúffuköku í 10-11 (verðmerkt kr. 475) sökum ómegðar og nísku (kassaverð kr. 574) ákvað ég að leita á önnur mið um næringu. Þá varð ég þess áskynja að soltinni alþýðu hefur nú borist mikill liðsstyrkur með tilkomu Línu inn á samlokumarkaðinn þar sem Sómi og Júmbó hafa [...]
Categories: Úr daglega lífinu
Ég er svo gapandi bit. Hafið þið tekið eftir því að Skerjafjörðurinn er eins og Ingólfur Arnarson í laginu? Með réttu hugarfari má einnig sjá úr þessu bergrisann sem gætti Suðurlands í Heimskringlu. Þar er þá landvætturin komin. Skyldi Vopnafjörður þá vera í laginu eins og dreki? Svari mér fróðari menn, ég hef ekki kannað [...]
Categories: Goðsögur
Það er voðalega erfitt að finna sig skyndilega í félagsskap fólks sem maður á ekki í reglulegum samskiptum við og koma inn í umræður sem maður hefur engar forsendur til að taka þátt í. Þá er hægt að sitja og þegja sem er hreint ekki töff, eða laumast burtu sem er heldur ekki sérlega töff. [...]
Categories: Úr daglega lífinu
Fékk áðan í hendurnar eintak af tímaritinu Neue Rundschau. Þar er ljóð eftir mig í þýðingu Kristofs Magnussonar, meðal annarra í, innan í grein um Nykur. Á raunar eftir að lesa greinina því miðaldabókmenntir eiga hug minn allan um þessar mundir. En ég er ánægður með þýðinguna.
Categories: Bækur / Bókmenntir
Voða er fólk er alltaf ánægt með sjálft sig þegar því tekst að hanka lögregluna á einhverju í stað þess að leita eðlilegra skýringa. Gasmaðurinn er heitasta lumman á netinu um þessar mundir og vænta má að moggabloggarar þessa lands muni engjast um af hláturskrampa þegar Spaugstofan lætur Geira og Grana sprauta úða á kind [...]
Categories: Fjölmiðlar
Mig dreymdi í nótt að ég væri að skila BA-ritgerð í bókmenntafræði.
Leiðbeinandi: Hvað er þetta, það eru engin einstigi hérna?
Ég: Ha?
Leiðbeinandi: Það eru einstigi í þessari bók. Hann treður einstigi.
Ég: Hvaða vitleysa …
Leiðbeinandi: Þú verður ekki bókmenntafræðingur svona. Bókmenntafræði snýst um að troða einstigi. Lagfærðu ritgerðina eða hypjaðu þig.
Categories: Draumfarir
Jájá. Nú „loga bloggheimar“. Hef verið að horfa á beina útsendingu hér í vinnunni. Það skyldi þó aldrei vera að fólk dæmi aðstæður öðrum hvorum í vil án þess að vita nokkuð um aðstæður á svæðinu? Sómi lands og skjöldur mætir svo auðvitað á svæðið á einkabílunum til að kasta eggjum í sérsveitina. Flottir. Mætti [...]
Categories: Fjölmiðlar
Mér hrýs hugur við þeirri tilhugsun hvað yrði um bókmenntir ef ekki væri fyrir viku bókarinnar. Hver ætli verði bók bókarinnar í ár? Eða það sem meira er um vert: hversu margir koma til með að lesa hana?
Categories: Bækur / Bókmenntir
Stundum á ég erfitt með að segja nokkurn skapaðan hlut, og þá sjaldan að mér finnst ég segja nokkuð af viti þá breytir það einfaldlega ósköp litlu hvað ég hef að segja. Og þegar mér er orða vant vísa ég frekar í aðra. Blessunarlega hefur Eiríki sem endranær tekist að orða hlutina eftir mínu hjarta, [...]
Categories: Pólitík
Nú er ég ekki mikið fyrir að láta stimpla mig sem eitt eða neitt. En þetta n-kynslóðatal þykir mér nokkuð skrýtið ef marka má Wikipediu. Á einum stað segir hún að X-kynslóðin sé fædd 1965-1982 og Y-kynslóðin 1988-2000 á einum stað, 1980-1994 á öðrum stað. Þá stendur annarsstaðar:
Digital technologies began to emerge (in a mass [...]
Categories: Hugleiðingar, Minningarbrot
Ég á ekki sjónvarp. Þannig að meðan Kiljan rúllaði í gær horfði ég á þáttinn frá því vikunni áður á netinu.
Það var greinilegt að Kolbrún Bergþórs hefur lesið hugskeytið mitt um að hún myndi aldrei framar koma mér á óvart, og þarmeð svarað spurningunni um hvort við yrðum nokkru sinni sammála um einn einasta hlut, [...]
Categories: Bækur / Bókmenntir, Fjölmiðlar
Lesið þessa grein eftir Ingólf Gíslason. Núna.
Categories: Bækur / Bókmenntir, Pólitík, Trú
Hagstofan veitti mér þau svör að bannmerkingar vegna markaðssetningar væru á höndum Þjóðskrár. Fram að þessu hélt ég að Hagstofan ræki Þjóðskrá. Málið var þó leyst með einu símtali til Þjóðskrár, með þeim fyrirvara þó að það væri búið að selja nokkra lista fram í tímann, svo það gæti tekið nokkrar vikur fyrir „þetta að [...]
Categories: Úr daglega lífinu
Ég lét merkja við mig í símaskránni á dögunum eftir að VÍS hringdi í mig með þær upplýsingar að þeir hefðu njósnað um hvar húsfélagið mitt væri tryggt. Til hvers það þarf að tryggja sundurlausan hóp fólks sem á það eitt sameiginlegt að búa í sama húsi veit ég ekki. Í gær hringdi svo Síminn [...]
Categories: Úr daglega lífinu
Nú hef ég unnið nær sleitulaust síðan á hádegi í gær og loks sér nokkuð högg á verkefninu sem fyrir lá, að fjalla um höfðingjavald í Sturlu sögu. Vona þá að mér hafi tekist að gera það með sannfærandi hætti. Morgundagurinn fer að mestu í að þétta verkið og hnýta lausa enda áður en klukkan [...]
Categories: Bækur / Bókmenntir, Námið
Það er alltaf gott að finna nýjar vísbendingar sem sprengja sundur öll þau rök sem maður hefur klambrað saman í hrákaritsmíð. Þá verður ritgerðin sterkari fyrir vikið. Þó er það að sönnu hvimleitt að þurfa að endurskrifa allt á síðustu stundu.
Categories: Námið
Ingibjörg Sólrún Gísladóttir, utanríkisráðherra, segir í viðtali við danska blaðið Berlingske, að íslensku bankarnir geti allir reitt sig á stuðning frá íslenskum stjórnvöldum lendi þeir í erfiðleikum. Þann stuðning væri hægt að sækja bæði í ríkissjóð og gjaldeyrisvarasjóð Seðlabankans. (#)
Síðast þegar ég frétti snerist málið ekki um ímyndaða skálka sem „tala niður gengið“, heldur þær [...]
Categories: Pólitík
Hvers vegna gerist það einmitt á þessari stundu að ég finn ekki grein sem er eingöngu fáanleg í Árnastofnun og ég þurfti til að tengja saman kafla í ritgerðinni minni? Ég er gjörsamlega lamaður án hennar og hef hvorki tíma né vilja til að banka uppá á morgun. Fokkíng týpískt.
Uppfært
Auðvitað fannst helvítis greinin úti í [...]
Categories: Námið
Þegar ég vinn með textaskjöl hef ég jafnan algengustu táknin í handraðanum svo ég þurfi ekki að eyða tíma að gera þau í hvert sinn heldur geti einfaldlega límt þau í skjalið þar sem við á. Áðan voru það íslenskar gæsalappir sem mér fannst taka of langan tíma að gera fyrir hvert tilvik, svo ég [...]
Categories: Háskólablogg, Námið
„Matreiðslumenn eldhússins, Orange Lab. leika sér að helíum, fljótandi köfnunarefni og fleiri efnum úr lotukerfinu til þess að framreiða mat á nýjan og spennandi hátt,” segja Einar og Þórarinn og bæta við að hugmyndin á bak við Orange sé að upplifunin skili sér jafnt í skemmtun sem og bragði. (#)
Mér þykir nýstárlegt að leika sér [...]
Categories: Fjölmiðlar
Í menntó dreymdi mig daga og nætur um að byrja í háskóla.
Núna velti ég fyrir mér af hverju ég er í háskóla.
Fæ aðeins fjárhagslegar ástæður.
Finnst það ósanngjarnt.
Og heimskulegt.
Categories: Háskólablogg
Annars flýgur mér í hug, fyrst Björn Bjarna vill flokka stjórnmálamenn eftir því hvort þeir tali um hlutina eða geri þá, hvort hann vilji ekki koma á ger-ræði. Hann er svo hrifinn af því að sniðganga lýðræðislega umræðu og bara gera hlutina, svona eins og Davíð og Halldór gerðu.
Categories: Pólitík
Mig grunar að Langholtskirkja sé vinsælasti útfararstaður Íslands, í það minnsta eru undantekingarlaust jarðarfarir þegar ég er að vinna.
Fróðir lesendur geta svo giskað á til hvaða kvikmyndar er vitnað í fyrirsögn. Fyrrum hálfstjarna í Hollywood fer með aðalhlutverkið, og í einu skemmtilegasta atriði myndarinnar vísar hann í eins konar metafiksjón aftur til inngangs hennar með [...]
Categories: Kvikmyndir, Úr daglega lífinu
Áður en ég fattaði hver James Blunt er velti ég fyrir mér hvers vegna komu hans hingað hefur verið tekið með svo miklu persónuníði.
En það var líka áður en ég fattaði hver hann er.
Categories: Fjölmiðlar, Tónlist
Þá veit ég að ég get lesið sænsku, og það betur en norsku meira að segja. Kannski er þetta það sem Kaninn kallar „winning streak“ og þá væri nú ekki úr vegi að prófa frönsku næst. En í tilefni af sænskunni veiti ég Peter Hallberg orðið. Enda þótt þetta viti nú allir þá valdi ég [...]
Categories: Bækur / Bókmenntir, Tungumál / málfræði
Þessa dramatísku línu muna allir þeir sem horfðu á Lansann, svona fyrst menn eru farnir að vitna í þá þætti.
Categories: Kvikmyndir
Ég er ekki frá því að ég hafi gerst sekur um hybris með leti minni.
Mætti þó í tíma til að læra að nota rétt hugtök yfir orsakir hennar.
Categories: Háskólablogg, Námið
Kom snemma í ár. En kom þó, eins og alltaf.
Mér skilst að Al Gore sé farinn. Hvort kuldinn stafi af því veit ég ekki.
Categories: Óflokkað
Sjá hér.
Categories: Óflokkað
Það er alltaf hálfgert ævintýri fyrir mig að heimsækja Þjóðdeildina. Allt umlykis (gúglið þessu) eru búr með skringilegum verum, svipað eins og í fjórðu Alienmyndinni, sem hægt er að ganga á milli. Í fullvissu um að maður á ekkert erindi þangað inn nema til að vera étinn.
Í anddyri Þjóðdeildar gekk skeggjaður maður fram og aftur [...]
Categories: Háskólablogg
Pabbi kom frá Barcelona í dag, færandi hendi með sígarettur og gamaldags vekjaraklukku með Breakfast at Tiffany’s skífu.
Þar áður keypti ég Rauða kverið í þýðingu Brynjólfs Bjarnasonar hjá Braga bóksala, eins og einhverjum hefði þegar getað dottið í hug.
Auk þessa, á sama degi og Eiríkur opnar glænýja og fína heimasíðu, kom út hjá Nýhil bók [...]
Categories: Bækur / Bókmenntir, Úr daglega lífinu
Horfði á þetta diskó í gær. Segið svo að ég fari aldrei í bíó …
Sjálfur var ég meira í „eldlínunni“ þegar náungi réðist að mér á Næstabar og krafðist þess að fá að skála við mig. Ég lyfti glasinu og hann kýldi glasinu beinlínis í mitt svo þau mölbrotnuðu yfir mig allan. Ég sat þarna [...]
Categories: Úr daglega lífinu
Í stuttri bæjarferð sem ég gerði mér í dag vatt sér að mér náungi á mínum aldri, kvaðst vera útigangsmaður og bað um klink. Sagðist aðeins rétt hafa náð að fullnægja „lífsþörfinni“ þegar hann varð svangur, það væri vandlifað á götunni. Ég leitaði í vösunum en fann ekkert og þar við skildi. Það var ekki [...]
Categories: Úr daglega lífinu
Að fljúga í hug miklu svalari ritgerð en maður er að skrifa, vitandi að hún yrði ekki tekin til greina, meðan Gegnir gjammar gegnum vafrann að ekki hafi verið skrifað um það áður. Stúdentinn situr því á vitneskju sinni eins og ormur á gulli og þorir sig hvergi að hræra.
Að vera of veikur á meðan [...]
Categories: Háskólablogg
Ferfaldi lattéinn fór ekki vel með mig. Um eittleytið lagðist ég til hvílu en um kortéri seinna fékk ég aðkenningu að mígrenikasti sem hélst uns ég leið útaf um hálfáttaleytið í morgun. Hálftólf brotlenti ég úr meðvitundarleysinu með aþenuhríðir í ennisholunum og fann þegar að þær voru stíflaðar. Þannig skrölti ég í vinnuna og hélst [...]
Categories: Háskólablogg
Hvað er betra á síðkvöldi en fjórfaldur sojalatté með eðalkólumbískum baunum með súkkulaði og möndlukeim frá Kaffitári? Ekkert nema að öðru viðbættu. Sit hérna, sötra minn latté og maula múslírúnstykki með skinku og osti með Arcade Fire á fóninum. Velti fyrir mér milli þess sem ég les bókmenntakenningar hvort líf mitt sé farið að líkjast [...]
Categories: Háskólablogg
Ég ætti kannske að breyta þessari síðu í svona stúdentablogg. Líf stúdentsins í hnotskurn snýst fyrst og fremst um lífið á Görðunum, ritgerðaskil í pósthólfið í Árnagarði/Odda, ferðir á Þjóðarbókhlöðuna, kynlega kvisti sem þar leynast milli hilla, latté á Kofa Tómasar frænda, debatta um hvað sé besta kaffið frá Kaffitár, frískleg morgundögg eða kvöldroði, rustalegt [...]
Categories: Námið, Úr daglega lífinu
Lárus Viðar á hugrenningatengsl dagsins.
Categories: Fjölmiðlar, Pólitík
