Það hefur verið alveg afskaplega fallegur dagur í dag þótt hann hafi í mínu tilfelli mest farið í að jafna mig eftir dúndurskemmtilegt gærkvöld.
Hitti bróður minn á kráaröltinu, en honum hlotnaðist á dögunum sálfræðingsstaða á Hellu. Rökræddi við kantískan heimspekinema sem komist hafði að þeirri niðurstöðu að siðferðislega réttar aðgerðir væru þær sem framkvæmdar væru [...]
Categories: Úr daglega lífinu
Vegna skipulagsklúðurs við að verða mér úti um bifreið komst ég ekki lengra en upp í Öskjuhlíð til að njóta myrkursins. Vafalaust hefði ég heldur átt að taka einn göngutúr um Vesturbæinn, þannig hefði ég notið þess betur. Líður þá og bíður uns rafmagnslaust verður í Vesturbænum. Þá er ég þotinn út með hatt minn [...]
Categories: Náttúran
Já, og ekki láta ykkur bregða klukkan tíu í kvöld þegar öll ljós verða slökkt í Reykjavík. Loksins verður sá draumur að veruleika og ég þakka framtakið. Ég ætla að finna mér einhvern góðan grasi gróinn stað til að leggjast á bakið, finna til smæðar minnar og velta vöngum. En fyrst og fremst njóta þess [...]
Categories: Náttúran
Tilgangur lífsins er tvíþættur þeim sem vinnur í Sólheimum: Að borða rúnstykki með kaffi úr Álfheimabakaríi, og vera sætur við afgreiðslustelpurnar. Þá verður rúnstykkið líka betra.
Uppgötvaði á leiðinni milli Heimanna tveggja að Christopher Lee býr í Goðheimum. Ef til vill hefur hann frétt af því hversu barnavænt hverfið er.
Categories: Úr daglega lífinu
Sem ég buðlast við að falla ekki í öngvit í gegndarlausri baráttu við hita og ógleði mæti ég í skóla og vinnu og þykist vera hress. Svitna viðstöðulaust í lófum og í andliti. Það veit ekki á gott.
Stend greinilega styrkum fótum í inngangskúrsinum að málfræði hjá henni Siggu Sig. Hef verið að fá góðar einkunnir [...]
Eitthvað virðist mér hafa slegið niður í dag. Mætti í skólann í dag og var svo brattur á eftir að ég leit aðeins inn á Uppsali, settist niður með kaffibolla og lagaði sitthvað í handritinu mínu.
En nú ligg ég armur og aumur uppi í sófa með tebolla og parasetamól mér við hönd. Nú gildir því [...]
Categories: Óflokkað
Það er ekki á hverjum degi að ég fái ábendingar um innihald þessarar síðu, en þegar svo ber við eru það jafnan sanngjarnar kröfur. Til dæmis þegar ónefndur stjórnmálafræðingur bar af sér rangar sakargiftir á eldri útgáfu Bloggsins um veginn. Vitanlega var það leiðrétt, enda ómaklega að honum vegið og mér lítt til sóma að [...]
Categories: Óflokkað
Heyrst hefur í útvarpi: „Við fundum okkur stúdíó þar sem margur meistarinn hefur hljóðritað í áranna rás.“ Grunur leikur á að umrætt stúdíó sé stjörnuathugunarloftið í Árnagarði.
Categories: Námið, Úr daglega lífinu
Sá mikli áhugi sem ég eitt sinn hafði á hljóðfræði er alveg fokinn út um gluggann. Liggur við að ég öfundi bókmenntafræðinema að fá að rúnka sér yfir bókmenntum daginn inn og daginn út í stað þess að lesa þessa epík: „Greinimörkin sem notuð eru [til að greina á milli samhljóða s.s. [i] og [j], [...]
Categories: Námið
Í kvöld var farin söguleg ganga frá Hlemmi niður á Austurvöll. Andinn sem sveif yfir vötnum á fjöldasamkomunni við Austurvöll er það sem koma skal. Baráttan fyrir náttúrunni er langt frá því að vera lokið. Raunar verður henni aldrei lokið. Ekki nema þeir drekki þjóðinni með. Og það segi ég afkomendum mínum stoltur að þarna [...]
Categories: Pólitík, Úr daglega lífinu
Nei, ég svívirti ekki Islam (skrifaði óvart Ismal) með því að hella koníaki út í þjóðardrykk Marokkómanna. Ég hins vegar hellti því út í Earl Grey. Algjört dúndur.
Annars hef ég ákveðið mig: Flug með Iceland Express til London 26. desember. Ermarsundslestin þaðan, mér er sagt hún komi við í Belgíu. Þaðan til Parísar hvar ég [...]
Categories: Ferðalög, Kaffi og te
Ég vaknaði í morgun með einhverja þá hroðalegustu hálsbólgu sem ég hef nokkru sinni fengið. Tók deginum rólega og hringdi mig veikan í vinnuna. Er nefnilega mjög gjarn á að láta svona ekki hafa áhrif á mig og mæta samt til skóla og vinnu. Geri ráð fyrir að það sé þess vegna sem ég verð [...]
Categories: Óflokkað
Fljótsdæla saga lofar einnig góðu:
Þorvaldur svarar: „Eg vildi að þér segðuð mér þau tíðindi er hér hafa orðið í yðrum híbýlum. Þykist eg það vita að mikil munu orðin.“
Jarl svarar: „Hví mun eigi verða svo að vera? Eg átti mér eina dóttir, fyrr en þessa sveina tvo, er Droplaug hét. Það var kallað að hún [...]
Categories: Bækur / Bókmenntir, Námið
Gunnars saga Keldugnúpsfífls:
„Grís hét maður í Hörgsdal. Hann átti og tvo sonu. Hét annar Hrafn en annar Þorsteinn. Þeir voru stórir menn og sterkir, ágjarnir og illir viðureignar.
[...]
Var Helgi skartsmaður mikill, hæfilátur og hversdagsgæfur. Bróðir hans var honum óskaplíkur. Hann lagðist í eldaskála [...] Varð hann mjög óþokkasæll af alþýðu fyrir þetta sitt tiltæki. Var [...]
Categories: Bækur / Bókmenntir, Námið
Cure-stemningin ríður húsum hér á Öldugötunni svo allir nærliggjandi vegfarendur bíta í rykið og hníga í duftið:
However far away, I will always love you.
However long I stay, I will always love you.
Whatever words I say, I will always love you.
Why are you so far away? she said,
Why won’t you ever know that i’m in love [...]
Categories: Námið, Tónlist, Úr daglega lífinu
Að horfast í augu við morguninn með bolla í hönd meðan ketillinn sýður á hellunni. Það held ég nú.
Vantaði bara að ég hefði haft rænu á að opna fyrir útvarp allra landsmanna í leiðinni, síðustu og fyrstu almennilegu útvarpsstöð landsins.
Categories: Kaffi og te, Úr daglega lífinu
Arkaði frakkalaus af stað út í gamla vesturbæinn í léttu roki niður á Laufásveg þar sem beið mín bíll. Þaðan hélt ég í Kópavog að sækja frakkann sem gleymdist á Ísafirði í síðasta mánuði. Ísafjarðarlognið hefur fylgt frakkanum alla leið suður, því algjör stilla var komin á þegar ég skilaði bílnum af mér aftur.
Gekk í [...]
Categories: Hugleiðingar
Í nótt var farið á mikið pöbbarölt með Jóni Erni og Emil. Kannski um hálffimmleytið erum við Jón staddir á Ellefunni þegar stúlka vindur sér upp að mér með orðunum: Hey, þú ert skáld! Svo nefndi hún við mig tiltekið ljóð, sagði mér svo að ég væri gott skáld. Það þótti mér mjög vænt um.
En [...]
Categories: Óflokkað
Kvöld með hvítvíni og kveðskap í vændum. Njósnavélin með SigurRós glymur í tækinu.
Gærkvöldið var skrýtið /skrítið. Sömuleiðis skrautlegar stemningar sem svífa yfir vötnum hér á Öldugötunni í kvöld, flugeldar springa yfir og kalla á nostalgíu. En hefur eitthvað breyst síðan nokkurn tíma? Nýir tímar, nýjar vonir eða væntingar? Held ekki. Held ég sé ennþá bara [...]
Categories: Hugleiðingar, Tónlist
Það er kannski kominn tími til að þegja oftar og tala minna.
Trallarallala, það er haust það er haust það er haust.
Og á morgun er sunnudagur. Ó þetta líf hvað ég elska sunnudaga!
Categories: Óflokkað
Gengið yfir Austurvöll í sólinni, inn Austurstræti, harmonikkutónar óma um miðbæinn, La vie en rose. Viðkomandi fékk allt klinkið mitt, ásamt hugskeytinu: Vonandi verðurðu alltaf hér í fallegu veðri.
Hitti jafnréttisfulltrúa Menntaskólans við Sund, Kjartan Þór Ragnarsson, á Sólon. Stórtækar hugmyndir í gangi, og við höfum góða samstarfsreynslu síðan í fyrravetur. Ef vel tekst til verður [...]
Categories: Úr daglega lífinu
„Það sem flestir segja er að ástandið varðandi pyntingar í Írak sé algerlega stjórnlaust, ástandið er svo slæmt að margir segja það verra en það var í valdatíð Saddam Husseins.”
–mbl.
Og valdbeiting er aldrei leiðin til lausnar, aðeins til upplausnar.
Categories: Pólitík
All is Full of Love með Björk er eitt af þessum lögum sem eru ólýsanlega falleg.
Sé myndbandið spilað yfir tífaldast áhrifin.
Þetta er lag dagsins, næturinnar, whatever.
Categories: Tónlist
Fyrst þegar ég las um hin tilvonandi Edduverðlaun tókst mér að misskilja fréttina svo hrapalega, að lengi á eftir taldi ég þau væru nefnd eftir Eddu Björgvinsdóttur. Fannst mér það temmilega viðeigandi.
Einhverju seinna kom á daginn að verðlaunin heita eftir einhverri allt annarri Eddu. Ég gaf „Akademíinu“ smá kredit fyrir það. Á móti kemur að [...]
Categories: Hugleiðingar
Alltaf kvíði ég haustinu jafn mikið. Það er ekki fyrr en það er komið að ég átta mig aftur á því að það er mér alveg jafn kært og hinar árstíðirnar.
Categories: Óflokkað
Heitir smásaga eftir Thor Vilhjálmsson. Í henni er afar steríótýpískur franskur þjónn. En það tengist þessari færslu ekki neitt. Aftur á móti blundar mjög sterkt í mér að fara til Parísar í desember. Þangað hefur mig lengi langað að fara, og mér er sama þótt enginn kæmi með mér.
Categories: Hugleiðingar
„Hey, piltur! Mig vantar hundraðkall upp í pela.“ Ég stóðst ekki svona hreinskilni og gaf honum helming, sem var allt sem ég átti. Þvínæst sagði ég honum aðspurður hvað ég ynni við, og hann svaraði um hæl að enda þótt hann hefði bókasafnskort fengi hann aldrei að hafa með sér neinar bækur. Ég sagði honum [...]
Categories: Bækur / Bókmenntir, Úr daglega lífinu
Lauk við þann fróma eftir Kárason. Hún hafði þau áhrif á mig að mig langar til að ferðast, og þá almennilega, engar tveggja vikna hallærisreisur eins og vani stendur til.
Sömu áhrif hefur svo auðvitað frásögnin af heimilislausu Íslendingunum í Frakklandi. Auðvitað er ekki hálft eins skemmtilegt að minnast þess að hafa lekið inn á heimili [...]
Categories: Bækur / Bókmenntir, Ferðalög, Hugleiðingar
Loksins stiginn úr rekkju, nær dauða en lífi. Helvítis pest.
Og veðrið er dimmt og kuldalegt og napurt og leiðinlegt. Eins og alltaf þegar maður er veikur. Og einhverra hluta vegna opnaðist þessi gluggi alveg sjálfkrafa í tölvunni minni. Nú vill svo til að ég hef verið að leita mér góðra mynda með Peter Lorre. Tek [...]
Categories: Kvikmyndir, Úr daglega lífinu
Hvernig get ég betur komið orðum að þessum degi? Himinninn dimmblár og þungskýjaður, samt liggja sólargeislar á húsunum. Nærri búinn að kasta upp yfir tannburstann minn og fannst ég voða kvalinn og afskiptur í vondum heimi. Flýgur mér í hug að eina rökrétta svarið sé að trítla út í bakarí.
Laufin fljótandi um rýmið og allt [...]
Categories: Úr daglega lífinu
Hafið djúpt og endalaust
dökkfjólublátt, íbyggið, þungt
fljótandi rætur Akrafjalls
vindurinn næðir um sérhverja kverk
dropar liðinnar rigningar halda dauðataki
í rúður húsanna
sunnudagsmorgunn í vesturbænum
að hausti til
og ég með magakveisu.
Categories: Úr daglega lífinu
Fær fullkomna falleinkunn. Ekki vegna þess að tónleikarnir hafi verið svona lélegir, eða fólkið leiðinlegt, heldur vegna þeirrar sérkennilegu staðreyndar að ég gat ómögulega notið tónleikanna né fólksins né nokkurs annars í kringum mig umrætt kvöld.
Categories: Óflokkað
Vísindaferð í gær. Kynntist nokkrum íslenskunemum á kostnað of mikillar drykkju. Var því kominn heim klukkan tíu, nýtt met þarmeð slegið.
Dreymdi geitunga og undarleg ferðalög. Vaknaði í fremur ankannalegu ástandi og hélt út á svalir að drekka kaffi í góða veðrinu. Uppgötvaði fljótlega vissan árstíðabundinn vanda við að hafa tré vafin um svalirnar, geitungafjöld. Telst [...]
Categories: Úr daglega lífinu
Ég stóð í sakleysi mínu og reykti út um stofugluggann þegar stórum skugga bregður yfir mig. Þegar mér varð litið upp missti ég hreinlega vindlinginn af undrun: Þar var komin sú stærsta geitungsskepna sem ég hef á ævi minni séð. Geitungur dauðans, með hefnd.
Ég reyndi að blása ófreskjunni burt en það hafði ekki nema lítil [...]
Categories: Úr daglega lífinu
Í myrkri þungu mætast kannski varir
og magna lífsins slátt í þöglu brjósti
og eins og sækir aldan heim að landi
er öldugjálfrið ríslandi við hjartað.
Og nóttin breiðir næfurþunna slæðu
af nærfærni yfir höfuð okkar beggja
og stjörnur himins öfunda mig allar
því augu þín í mínu hjarta sindra.
Í myrkri þungu mætast varir okkar
og magna lífsins slátt í þöglu brjósti;
þá verður [...]
Categories: Bækur / Bókmenntir
Annað hvort var strætóinn minn í dag útbúinn sérstökum skíðum til að gusa regnvatninu þeim mun betur yfir gangandi vegfarendur, eða vagnstjórinn gerði í því að keyra í förunum. Hvort sem er hlýtur það að skrifast á vagnstjórann.
Fyrir nokkrum árum fannst mér það afskaplega vinalegt þegar vagnstjórar heilsuðust er þeir mættust á leið. Nú upp [...]
Categories: Óflokkað
You Are Whiskey
You’re a tough drinker, and you take it like a man
That means no girly drinks for you – even if you are a girl
You prefer a cold, hard drink at the end of the day
Every day, in fact. And make that a few.
What Alcoholic Drink Are You?
Categories: Óflokkað
„Stjörnufræðingar eru vangefnir“. Sjá betur hér.
Categories: Óflokkað
Mikið svaf ég vel í nótt, aldrei þessu vant. Var hálfvegis búinn að gleyma því hvernig það er að sofa án þess að vakna upp á klukkutíma fresti.
Fékk tölvuskeyti áðan frá bankanum sem í stóð að nýja kreditkortið mitt væri komið. Það er brjálað sjitt.
Categories: Úr daglega lífinu
Klukkan var tuttugu mínútur í átta í morgun, um hálftíma eftir að ég skrifaði síðustu færslu, að ég skakklappaðist inn í eldhús í hálfannarlegu ástandi til að fylgja eftir því einfalda markmiði að smyrja mér nesti, nokkuð sem heyrir til undantekninga að ég geri þótt það komi sögunni ekki beinlínis við.
Svo illa var fyrir mér [...]
Categories: Úr daglega lífinu
Ég er enn ekki sofnaður. Það veit ekki á gott, mér hefði verið rækileg þörf á að sofa úr mér fýluna. Þess gefst víst ekki kostur núna, það er málfræðitími klukkan tíu, svo vinna á safninu frá hádegi til sjö. Eftir það þarf ég víst að ná mér upp í lestrinum.
Vona að mér fari svo [...]
Categories: Eigin verk, Námið
Haustið er komið.
Stundum getur verið erfitt að horfast í augu við daginn.
Ég er ekki í skapi til neins.
Lag dagsins er „Lover, You Should Have Come Over“ með Jeff Buckley.
Categories: Óflokkað
Engu að síður get ég ekki sagt að mér finnist dagurinn í dag eitthvað merkilegri en aðrir dagar.
Fannst annars ekkert betra orð en afmæli?
Categories: Óflokkað
Við Bjössi tókum daginn snemma og fórum á Bókhlöðuna, sem væri ekki áhugaverð frásögn nema fyrir eitt (nema ef það þykir áhugavert að ég hafi eytt fimm klukkutímum tæpum í samfelldan lestur á íslenskum framburðarreglum).
Um eittleytið fórum við út í Björnsbakarí að friða meltingarfærin og virðast spakir á sama tíma. Sjálfur var ég svo spakur [...]
Categories: Úr daglega lífinu
Mikil var undrun mín að komast að því að ég gat lesið ljóðin hans Andra Snæs á hollensku. Stiklurnar um hann neðar á síðunni eru jafnvel auðskildari.
Beini tengillinn virkar ekki af einhverjum sökum, en hægt er að finna þetta gegnum tengil merktan „poëzie“.
Categories: Bækur / Bókmenntir, Tungumál / málfræði
Og hönd Drottins laust niður Árnagarð og tortímdi, og þaðan dreifðust hljóðfræðingarnir of víða veröld, svo enginn skildi lengur hvers annars hljóðtákn.
Categories: Námið, Tungumál / málfræði
Í bókinni Rokland eftir Hallgrím Helgason má finna svartan og sprúðlandi húmorinn úr 101 Reykjavík, ef marka má bókarkápu. Sprúðlandi?
Af öllum þeim orðabókum sem ég fletti upp í, þ.m.t. Íslenskri orðabók og orðabanka Íslenskrar málstöðvar, fann ég þessa orðmynd aðeins í lýsingarhætti nútíðar sagnorðsins sprúðla í Orðabók Háskólans. En enga merkingu eða dæmi um notkun.
Jafnframt [...]
Categories: Hugleiðingar, Tungumál / málfræði, Íslenska
Ef það hvarflaði að einhverju ykkar að ég væri ekki mestur allra snillinga er stigið hafa spor sín þung á jörðu þessari þjakaðir af ómælandi dýpt eigin speki og byrði allrar jarðneskar vitneskju, þá skal ég taka af öll tvímæli um það með lítilli sögu sem varðar síðustu færslu aðeins lítillega. Sögu af því er [...]
Categories: Námið
Maður hlýtur að spyrja sig, þegar félagar í sama kúrsi og maður sjálfur reyna að fá mann til að sólunda heilu kvöldi á kaffihúsi, hvort þeir hafi ekki fengið viðfangsefni tímans daginn eftir sent í pósti?
Í það minnsta fór mitt kvöld eftir vinnu í að lesa Nietzsche-greinina yfir í rólegheitunum. Á morgun geri ég svo [...]
Categories: Námið
Kom aftur í bæinn í gær. Verð að játa að ég var ekkert sérlega feginn að sjá þessa steinkumbalda aftur. Enda þótt ég sé nú orðinn það blankur að ég veit ekki hvernig fer með skólabækurnar … Ferðasagan öll kemur svo von bráðar. Hún verður nokkuð löng.
Vaknaði á réttum tíma og fékk mér tvo kaffibolla [...]
Categories: Námið, Úr daglega lífinu
