Ég hafna þeim möguleika að ég sé að fá hálsbólgu í annað sinn í sama mánuði! Sjáum hversu langt ég kemst á afneitun. Þetta er alveg makalaust, aldrei hefur þetta komið fyrir mig áður. Ekki síður er þetta óvanalegt vegna þess að fyrst fékk ég hálsbólgu 1. mars, nú fæ ég hana aftur 31. mars. [...]
Categories: Óflokkað
Þreyta og sljóleiki. Nostalgía samhliða kvíða samhliða óþreyju eftir framtíðinni. Ótti við að mistakast. Löngun til að ferðast. Löngun til að flytja í eigið húsnæði. Von um uppfyllingu drauma. Tregi til að takast á við nýjungar. Óvissa. Vantrú á kosti valsins. Von um farsæla hamingjuleit. Gremja, galsi, áræðni, kæruleysi. Svefnleysi, andleysi, óbilgirni, kröfuharka. Trú, söknuður, [...]
Categories: Hugleiðingar
Skyndilega voraði enn einu sinni í forræðisdeilu árstíðanna. Vissulega léttir það lundina. Fernt vegur þó á móti:
1. Stóra ritgerðin komin niður í 30 blaðsíður og enn get ég (og mun) stytta hana.
2. Fyrirlestur um Þriðja maí eftir Goya sem þarf að semja fyrir flutning á morgun.
3. Síþreyta. Ég hvílist ekki þótt ég sofi og kaffi [...]
Categories: Óflokkað
Málverk dagsins er Þrælaskip Josephs Mallards Williams Turner frá 1840. Þótt viðfangsefnið sé gróteskt (verið er að kasta dauðum og deyjandi fyrir borð) er myndbyggingin og litaflæðið svo magnað að nær ómögulegt er að lýsa því með orðum. Myndin nýtur sín betur úr fjarlægð svo ég mæli með því þið bakkið um nokkra metra frá [...]
Categories: Menning og listir
Þessi pistill er bæði lélegur og gjörsamlega tilgangslaus. Hann er samt fyndinn. Allar vangaveltur um hvernig það hefði nú verið hefði þessi eða hinn lifað lengur eru nefnilega í eðli sínu bæði lélegar og tilgangslausar, og enda þótt það geti verið fyndið að agnúast út í slíkar hugleiðingar er það alveg jafn lélegt og tilgangslaust, [...]
Categories: Hugleiðingar, Tungumál / málfræði, Íslenska
Segja má að ferli lógaritmískrar stigmögnunar á fjölda kaffibolla sem þarf til að halda mér vakandi hvern klukkutíma sem bætist við daginn hafi náð hámarki sínu með tilliti til lögmálsins um minnkandi afrakstur, líkt og hröðun steins sem kastað er þráðbeint upp fer minnkandi uns hún er engin og verður loks neikvæð. Fyrir næsta klukkutíma [...]
Categories: Kaffi og te
Þreyttur í gær? Nei, þreyttur núna. Kötturinn hélt mér vakandi í alla nótt. Hún æmti eins og Dórótea í skýstróknum og ekki tjóandi við henni. Kannski ekki að furða, sjálfur bjóst ég hálft í hvoru við að ranka við mér í Oz.
Litli bróðir segist svo ekki skilja hvers vegna hann snjói alltaf á þriðjudögum. Hann [...]
Categories: Óflokkað
Grein í Steingerði tilbúin. Hún fjallar um mikilvægi listarinnar. Þá eru allar áætlaðar greinar skrifaðar, vona þær verði ekki fleiri í bili. Fékk smá sjokk í svona mínútu þegar ég var nýbúinn að skrifa hana og upp kom sá möguleiki að Steingerður væri þegar farin í prentun. Við nánari eftirgrennslan reyndist það sem betur fer [...]
Categories: Eigin verk, Hugleiðingar
Múrgrein dagsins er víst eftir mig þótt skammstöfunin á nafninu mínu sé eitthvað kindarleg (uppfært: hún hefur nú verið löguð).
Ég er ekki mikill aðdáandi fárviðris, nema sé ég innandyra í hálfrökkvu herbergi undir sæng með tebolla og góða bók. Þó var ég sérstaklega lítt hrifinn í dag af að þurfa að plokka sandkorn úr augunum [...]
Categories: Óflokkað
Jæa, skilaði draslgrein inn á Múrinn og sendi bókarrýni á ritstjórn Hugsandi. Þá er að sjá hvort hún verður samþykkt. Verði svo er ekki ólíklegt að ég geri meira af því að rýna í bækur. Þá er það bara grein um menningarmál í Steingerði. Spurning hvort ég nenni að skrifa hana núna. Langar til að [...]
Categories: Eigin verk
Vaknaði snemma (lesist fyrr en venjulega) og skrapp upp í Vídalínskirkju að hlýða á Vídalínsmessu Hildigunnar. Tónlistin var alveg frábær og einsöngvararnir tveir, Hallveig og Ólafur (systkini Hildigunnar?) voru bæði afar sterk. Gaman líka hvað þau lifðu sig inn í flutningin, hélt að Ólafur myndi hlaupa með kirkjubekkjunum af kátínu í Orði föðurins. Svo var [...]
Categories: Menning og listir, Trú, Tónlist
Lóan kom víst í dag, eins og raunar sést hefur á veðrinu, sól logn og hlýindi. Litadýrðin yfir borginni um sólsetur var líka afar falleg.
Gærkvöldið sem ég eyddi í miðbæ Reykjavíkur var aftur á móti ekki fallegt. Einhver dansgólfsreykingadóni brenndi gat á vinstri hönd mína. Það er ekkert nema fávitaskapur að reykja í miðri þvögu [...]
Categories: Bækur / Bókmenntir, Hugleiðingar
Eftir að hafa spurt mig hvort ég gerði mér grein fyrir því að það væri ekki BA-verkefni, sagði leiðbeinandinn mér að stytta ritgerðina mína um 10 blaðsíður. Ég spurði hann hvað honum þætti um það að ég minnkaði einfaldlega leturstærðina. Held hann hafi átt við róttækari breytingar. Með tilfærslum á texta og leturgerðarbreytingu einum og [...]
Categories: Hugleiðingar, Kaffi og te
Ég vaknaði með hugmyndina og beinagrindina að næsta bókmenntasögulega þrekvirki í hugskoti mér. Móðir mín hinsvegar drap hana með tilraunum sínum tíu til að vekja mig þar sem ég lá vakandi undir sænginni að berjast við að festa hana í minni mér, eftir aðeins um þriggja tíma svefn. Hugmyndin farin eitthvert annað. Kannski les ég [...]
Categories: Bækur / Bókmenntir, Hugleiðingar, Pólitík
Það er afar skrítið að standa skyndilega uppi með sýn til allra handa eftir ævilanga ferð eftir beinu brautinni, sjá alla möguleikana kringum sig og hvað gæti orðið. Þá veltir maður upp steinum allra þeirra mögulegu leiða sem maður hefði getað farið, fór ekki og veit því ekki hvað hefði orðið. En óhjákvæmilega leiðir maður [...]
Categories: Bækur / Bókmenntir, Hugleiðingar, Pólitík, Tungumál / málfræði, Íslenska
Ritgerðin kláruð (uns ég fæ hana aftur í hausinn, útkrassaða). Hún er 39 blaðsíður.
Tilvitnun dagsins:
„Ertu að skrifa bókina? Nei, ætli ég bíði ekki eftir myndinni.“
-Úr Draumalandi Andra Snæs.
Categories: Óflokkað
Þegar ég var lítill var starfrækt leikfangaverslun hér á Laugarnesveginum, í sama húsi og kaupmaðurinn í Laugarneskjöri var. Oftastnær var verslun þessi lokuð og fór ýmsum sögum af ástæðu þess. Sú skýring sem vinsælust var meðal okkar krakkanna var sú að verslunareigandinn væri í raun glæpon og verslunin væri aðeins skálkaskjól fyrir myrkraverk hans og [...]
Categories: Minningarbrot
Fór upp í Borgarleikhús í gær að hlýða á Andra Snæ og keypti þar nýju bókina hans, Draumalandið. Byrjaði á henni strax í gær, lofar góðu! Í leikhúsinu sá ég bæði Mörð og Valgarð en þeir eru víst ekkert skildir.
Erindið sem Andri flutti var dúndurflott sem væntingar stóðu til, en við Kári og Emil þurftum [...]
Categories: Bækur / Bókmenntir, Eigin verk
Á sömu blaðsíðu Fréttablaðsins í dag og Jón Baldvin segist ætla að láta pólitíska endurkoma sína ráðast af eftirspurn, segir Ólafur Ragnar að búa þurfi öldruðum áhyggjulaust ævikvöld. Það er fyndið.
Í dag eru vorjafndægur. Á slíkum degi er gott að taka strætó niður í Grófarhús til að ítreka umsókn sína til Borgarbókasafnsins en komast að [...]
Categories: Bækur / Bókmenntir, Eigin verk, Kaffi og te, Pólitík, Tónlist
Það er óþolandi að hafa vitleysu eftir menntuðum málfarsfasistum, sér í lagi þegar hin meinta villa er eldri en það sem þeir töldu rétt. Hvers eigum vér ómenntaðir eiginlega að gjalda? Ómenntað fólk á nefnilega þann vanda til að hlusta á fasista.
Kári Páll Óskarsson er spes náungi. Svo spes raunar að ég ákvað að lesa [...]
Categories: Íslenska
Er í bókina Draumalandið: Sjálfshjálparbók handa hræddri þjóð, eftir meistara Andra Snæ Magnason (óútkomin), birt með leyfi. Hana má finna hér. Hve ég á erfitt um biðina eftir þessari bók, hve.
Á mánudagskvöldið klukkan 21:30 munum við Emil Hjörvar Petersen og Kári Páll Óskarsson lesa upp úr verkum okkar ástamt fleirum á Café Babalú, Skólavörðustíg 22. [...]
Categories: Bækur / Bókmenntir, Eigin verk
Sumarið er komið í mig (kannski einum of snemma) en einnig þónokkur þreyta. Engu að síður stend ég fílefldur frammi fyrir ýmsum verkefnum, þó ekki þeim sem tengjast skóla eða vinnu. Ég finn mig fullfæran um að hespa af ritgerðina mína á staðnum en ég hreinlega nenni því ekki. Það var leiðinlegt í vinnunni í [...]
Categories: Eigin verk, Hugleiðingar
Allt gengur eitthvað svo frábærlega þótt ekkert sé fullkomið. Ég er springandisk úr hugmyndum, skáldferillinn hefur tekið vaxtarkipp án verkja, ég hef endurheimt stjórn á náminu, ég er þvísemnæst kominn með vinnu á Borgarbókasafninu, upplestur í uppsiglingu, starfslok á vinnustað dauðans væntanleg innan sex vikna og, best af öllu, senn kemur vorið. Aukinheldur tekur nú [...]
Categories: Eigin verk, Hugleiðingar
„… Það hafi þó orðið ofan á að Bandaríkjaforseti hafi fallist á tillögu Rumsfeld, varnarmálaráðherra Bandaríkjanna, um að fastri viðveru orrustuþotna Bandaríkjahers hér á landi verði hætt og að breyttar aðstæður og álag á Bandaríkjaher í öðrum heimshlutum hafi valdið mestu þar um.“
-Tekið úr Morgunblaðinu.
Já, herra Bandaríkjaforseti, yður verður sérlega mikill liðsauki í þotum órum, [...]
Categories: Pólitík
Til er kvikmynd sem heitir Meeting People is Easy frá árinu 1998 og fjallar um tónleikaferðalag Radiohead 1997-1998 í kjölfar útgáfu plötunnar OK Computer. Í myndinni má meðal annars heyra eftirfarandi lög: How to Disappear Completely (af Kid A 2000), Life in a Glass House (af Amnesiac 2001), I Will (af Hail to the Thief [...]
Categories: Hugleiðingar, Tónlist
Það má kannski alveg segja það: Ég stefni að útgáfu ljóðabókar í sumar eða haust. Það er allt þvísemnæst smollið saman. Meira að segja búinn að fá manneskju til að myndskreyta kápuna.
Categories: Eigin verk
Finnst mér fyndið að hafa elt heimildir gegnum tæplega tvöhundruð ára sögu aðeins til rekast á botnlanga við endann og hafa þurft að þræða mig alla leið til baka og halda áfram í aðra átt? Nei, ekkert átakanlega.
Nú er ég kominn að Erasmusi frá Rotterdam (1469-1517). Ef Lúther má ekki leiða útfrá honum er ég [...]
Categories: Hugleiðingar, Trú
Fyrirspurnir krefjast leiðréttinga: Nei, ég felli ekki hug minn til sætu bakarísstelpunnar. Fallegt afgreiðslufólk er konsept sem út af fyrir sig gæti verið áhugavert að skoða á huglægan, frumspekilegan máta, en heimilar ekki mikið persónulegra návígi en „góðan daginn“, ellegar gætu menn orðið fyrir þvílíkum medúsuhrifum að þeir breytist í stein. Hvur veit nema þaðan [...]
Categories: Óflokkað
Ef kisan mín lærir ekki bráðum að henni ber að halda aftur af mjálmi sínu neyðist ég til að skriðtækla hana.
Áðan naut ég þjónustu sætu bakarísstelpunnar. Englar, grípið mig, ég ætla aldrei að þvo debetkortið mitt aftur! Öhm …
Categories: Óflokkað
Dagurinn í dag markar tímamót á skáldferli mínum. Ekki meira um það í bili.
Eftir ánægjulegan fund er snertir ofangreint fór ég á Túskildingsóperuna með henni móður. Þar er varpað fram spurningunni hvor sé hinn eiginlegi skálkur, klassíski krimminn eða sá sem græðir á óförum annarra. Afar gott leikrit. Ólafur Egill fór á kostum sem endranær.
Categories: Hugleiðingar, Menning og listir
Ég trúi því ekki að bankinn minn heiti Glitnir. Svolítill The Englishman Who Went Up a Hill But Came Down a Mountain fílíngur að vakna í gær og komast að þessu. Jæa, hann heitir að minnsta kosti ekki Group. Getur einhver sannfært mig um að þessi ímyndarbreyting Íslandsbanka feli nokkuð annað í sér en að [...]
Categories: Óflokkað
Ég vildi að ég væri kominn aftur til Finnlands. Ég veit ekki hvað veldur þessari löngun, en hún er til staðar. Hún má teljast skrýtin í því ljósi að mér leið afar illa í Finnlandi. En það var auðvitað ekki landinu sjálfu að kenna.
Mér gengur ekkert að skrifa. Ég er allur í morgundeginum og líðandi [...]
Categories: Ferðalög, Hugleiðingar
Keypti mér hatt. Nú á ég þrjá hatta, tvo sixpensara og eina loðhúfu.
Ég er timbraður. Þá finnst mér alltaf eins og ég sé í útlöndum.
Categories: Óflokkað
Grímuball aldarinnar í uppsiglingu, ég kominn í múnderinguna: Smókingbuxur, hvít skyrta, svört slaufa, grátt vesti, kjólfatajakki, vasabrot, svört gríma. Það verður vonandi gaman.
Lenti í undarlegri uppákomu í vinnunni áðan. Ung stúlka, sýnilega hreyfihömluð, bað um aðstoð. Þegar ég svo kom á hvíta fákinum (IKEA© standard) virtist hún ekki geta stunið upp úr sér hvað hún [...]
Categories: Hugleiðingar
Lag dagsins: Talk Show Host með Radiohead (má sækja hér á mp3, 3.92 mb). Lagið var aldrei á neinni plötu með hljómsveitinni, það var, líkt og Exit Music, samið fyrir kvikmyndina Romeo and Juliet, en ólíkt Exit Music kom það aðeins á plötunni með tónlistinni úr myndinni. Allir að sækja, skylduhlustun.
Spurning dagsins: Af hverju mætirðu [...]
Categories: Hugleiðingar, Tónlist
Meðal síðustu verka minna í félagsstarfi skólans:
1. Að koma á mannsæmandi jafnréttisáætlun sem krefst þátttöku nemenda.
2. Að leggja fram lagabreytingatillögu á lögum skólafélagsins er snúa að listafélaginu. Það skal leggja mesta áherslu á listir.
3. Að leggja fram lagabreytingatillögu á lögum skólafélagsins er viðvíkja hverjir samþykkja lagabreytingatillögur. Það skal vera í höndum nemenda, ekki kjörinna fulltrúa [...]
Categories: Hugleiðingar
Það sem klárað er: Forsíða, þrír kaflar, heimildaskrá. Heildarlengd nítján blaðsíður.
Það sem vantar: Einn kafli, fimm til sex blaðsíður, niðurstaða, geri ráð fyrir tveimur blaðsíðum, inngangur, ein og hálf til tvær blaðsíður, viðauki um allt það sem ég hefði viljað ítarlegra, þrjár til fjórar blaðsíður.
Ráðgerð heildarlengd kjörsviðsritgerðar er samkvæmt því þrjátíu og hálf blaðsíða [...]
Categories: Óflokkað
„O, I am fortune’s fool!“ Við vitum hvernig þér líður, Rómeó, þú táningur, þú ástarglópur og morðingi frænda unnustu þinnar. Líttu þó á björtu hliðarnar því hlutirnir gætu verið verri. Unnusta þín gæti tekið upp á því að byrla sér ólyfjan í von um að þú komir og nemir hana meðvitundarlausa á brott, í stað [...]
Categories: Bækur / Bókmenntir
Sumir dagar eru einfaldlega slæmir, sama hvernig á þá er litið. Held ég barasta leggi mig. Þannig má hunsa vondar hugsanir.
Categories: Óflokkað
Eiginlega er það skáldlegt óréttlæti hvað morgunkaffið mitt er vont miðað við að ég vakti til fjögur við óminn af því sem ég ætla að hafi verið Naglfar að landa í Sundahöfn með meðfylgjandi ragnarökum. Eiginlega er ég ekki í neinu standi fyrir vikið til að mæta í skólann, en geri það nú samt.
Categories: Óflokkað
Lag dagsins er Exit Music (For a Film) með Radiohead, sem samið var fyrir nútímauppfærsluna á Rómeó og Júlíu með Leonardo DiCaprio og Claire Danes, sem mér finnst góð sama hvað hver segir, og hefur orðið þess valdandi að ég get ekki ímyndað mér Mercutio öðruvísi en sem blökkumann. Þ.e.a.s. myndin en ekki lagið.
Ég fékk [...]
Categories: Hugleiðingar, Tónlist
Ögn upplitsdjarfari í dag. Það er vonandi að mér takist þá loksins að gera eitthvað af viti.
Uppfært kl. 17:32
Ég er að verða vitlaus á þessu verkefni. Öll hugsun er aukinheldur í hálfgerðum graut ennþá svo það gengur fremur hægt. Andinn hefur greinilega ekki fylgt líkamanum eftir í bata. Það var meira að segja erfitt að [...]
Categories: Óflokkað
Veikindi mín hafa sett talsvert strik í reikninginn. Fyrir vikið er ég hvorki neitt sérlega upplitsdjarfur né bjartsýnn. Mér er farið að finnast sem hlutirnir gætu ekki verið mikið verri. Fyrir utan svo auðvitað að ég er því sem næst óvinnufær. Megna varla einu sinni að lesa á bók. Pynta mig samt til að sitja [...]
Categories: Óflokkað
Það er ekki 50% afsláttur á sælgætisbarnum á laugardögum heldur 100% álagning alla aðra daga. Alveg eins og þú færð ekki afslátt þegar þú sækir heldur er það heimsendingin sem kostar.
Categories: Óflokkað
Agalegt að missa af dyrasímanum. Hver veit nema örlögin standi á þröskuldinum og nenni ekki að hringja tvisvar.
Categories: Óflokkað
Rétt í þessu fékk ég símhringingu frá myndlistarmanninum Bergi Thorberg, raunar ekki í sambandi við listirnar, heldur vegna tryggingar sem ég eitt sinn var skráður fyrir en ég hef sagt upp. Það er skemmtileg tilviljun því í nóvember 2004 hélt hann ljóðasamkeppni sem ég tók þátt í. Átti að yrkja um málverk eftir hann sem [...]
Categories: Eigin verk, Kaffi og te, Menning og listir
Í gær var ég alveg handviss um að ég yrði fyrir sárum vonbrigðum með nokkuð. Ég var búinn að semja um það bloggfærslu í huganum, en þegar vonbrigðin létu á sér standa var engin þörf fyrir hana lengur.
Áðan rakst ég svo á nær nákvæmlega sömu færslu á öðru bloggi. Í sjálfu sér ekkert merkilegt, en [...]
Categories: Óflokkað
Mætti í skólann, veikur sem ég er, í heldur vondum húmör. Komst raunar í gott skap eftir hressandi debatt um málvernd og stöðu íslenskrar tungu (takið eftir slettunum). Post hoc, þegar ég megnaði ekki að þreyja í aðgerðaleysi eftir næstu kennslustund, afréð ég að yfirgefa svæðið og steig upp í næsta vagn vestur í Laugarnes. [...]
Categories: Óflokkað
Hananú, orðinn veikur. Það var fyrirsjáanlegt af fleiri en einni ástæðu. Reyni þó að halda dampi meðan ég held meðvitund.
Categories: Óflokkað
