Að mér sækja hugmyndir úr öllum áttum. Nú hef ég þríþætt skema til að fylgja eftir. Það verður flókið, kostnaðarsamt og tímafrekt, en ef allt gengur eftir mun ég mögulega eiga eitthvað eftir til að kallast stoltur af.
Vona að þetta sé ekki eintómar skýjaborgir. En nú er það námið, sú daðrandi frilla.
Categories: Eigin verk, Hugleiðingar
Ég er kominn með það! Það er lag og það er í dúr (merkilegt nokk). Það átti að vera lokakaflinn í þessum þríleik en svo passar það ekki við lok annars kafla. Það þýðir að ég þarf að endursemja annan kafla, sem er allt í lagi vegna þess að hann sökkar. Einnig hefur komið upp [...]
Categories: Eigin verk, Tónlist
Fjórar til sex blaðsíður orðnar að þrettán með tilvísanaskrá. Verk hafið klukkan 14:12 á sunnudegi. Verklok klukkan 19:21 á mánudagskvöldi. Tveggja daga vinna, afrakstur slæmur. Afar slæmur. Sama kvöld klukkan 19:53 uppgötvast: Ríflega hundrað blaðsíður fyrir listasöguprófið á morgun.
Api get ég verið.
Categories: Óflokkað
Hugmyndir fæðast og deyja á hverjum degi. Þokan sem hékk neðan úr ljósastaurunum í gær eins og ljósofin himnasæng færði mér eina góða á silfurfati, sem krefst þess að verða að smásögu. Hingað til hafa allar mínar hugmyndir eyðilagst við þá umbreytingu. Vona að raunin verði önnur í þetta skiptið.
Aðra hugmynd fékk ég rétt í [...]
Categories: Eigin verk, Hugleiðingar
Getur einhver lesenda minna orðið mér úti um eintak af Engum smá sögum eftir Andra Snæ Magnason, fyrir sanngjarnt verð, eða bent mér á hvar ég gæti nálgast eintak?
Categories: Bækur / Bókmenntir
Eitt fallegasta gítarlag sem ég veit, Recuerdos de la Alhambra eftir Francisco Tárrega, í flutningi Andrés Segovia. Sækist hér (3.2 mb). Það þarf held ég iTunes til að geta spilað það, það fæst ókeypis hér.
Til eru ýmsar útgáfur af laginu, þessi er talsvert styttri en aðrar, en lagið kemst vel til skila. Hljómurinn er ekki [...]
Categories: Menning og listir, Tónlist
Vor í febrúar, snjór í apríl. Í smásögunni Snjór í apríl eftir Ólaf Jóhann Sigurðsson reynist kynleg veðrátta vera þónokkur örlagavaldur. Læt vera að nýsprottnir laufsprotar reykvískra trjáa muni kúvenda mörgum lífum, en í það minnsta hafði ég ekki fundið fyrir svo tærum stemningum í lengri tíma, líkt og allt árið eins og það mun [...]
Categories: Hugleiðingar
Vegna áskorunar birti ég fyrirlestur minn um Sumarljós og svo kemur nóttin eftir Jón Kalman Stefánsson, sem ég flutti í skólanum í dag. Set þann fyrirvara á að hún var hraðunnin og að sjálf efnisyrðingin sem ég lagði upp með frá upphafi týndist í hugmyndaflóðinu meðan ég spann mér leið í kringum hana. Þess vegna [...]
Categories: Bækur / Bókmenntir, Greinar, Hugleiðingar
Ekki velur maður sér gæluverkefni eftir umfangi, svo mikið er ljóst. Sum hver virðast á stundum eins ómöguleg viðureignar og ef brúa ætti bilið milli Mars og Venusar (ath. myndmál). Þegar þannig viðrar skal ekki láta deigan síga heldur hella sér út í baráttuna af meiri krafti. Bara að passa upp á að gæluverkefnið nái [...]
Categories: Óflokkað
31.
Runnu upp af leiðum þeirra
lundar tveir.
Upp af miðri kirkjunni
mætast þeir.
- Þeim var ekki skapað nema að skilja.
úr Tristranskvæði.
Klassískur rómans og afskaplega fallegt kvæði. Hinsvegar má deila um hvort sýn Salvadors Dalí hafi verið sérstaklega rómantísk eða falleg. Raunar má deila um hvort nokkuð af því sem hann gerði hafi verið fallegt, þótt óumdeilanleg sé [...]
Categories: Bækur / Bókmenntir, Hugleiðingar, Menning og listir, Tungumál / málfræði, Þjóðsögur
1. Hugmyndin um að appelsínur séu náttúrlegar er álíka vitræn og að halda að pakkar af niðurskornum Gouda-osti vaxi á trjám; appelsínur koma í imbaheldum umbúðum, haganlega niðurskornar í lögulega báta, lötum Homo non sapiens non sapiens til hægðarauka. Það ætlar enginn að segja mér að þetta sé tilviljun. Klárlega er hér um að ræða [...]
Categories: Hugleiðingar
Ég hef glott út í annað í allan dag. Svona hefur maður nú sjúkan húmor. Silja Hlín er algjört yndi. Skúli Jón og Brynjar eru frábærir. Þakka Bjössa fyrir viskíið. Það kom á hárréttum tíma. Þakka öll augnatillitin, sumum svipum mun ég aldrei gleyma. Heilsa liðinu: Ekki bjuggust þið við þessu! Þvílík snilld. Svona [...]
Categories: Óflokkað
Það er jafnvel meiri sunnudagur í mér í dag en í gær. Það gerir veðrið. Í svona veðri eiga menn að fara í spásséristúr með kærustum sínum niður með tjörn, gefa öndum brauð og gleyma streði hversdagsamstursins, heimsækja jafnvel Listasafnið eða Eldsmiðjuna og taka gott rölt um Þingholtin í framhaldinu, hafna loks inni á kaffihúsi [...]
Categories: Óflokkað
Mér hefur verið tjáð að Stefán Jón Hafstein sé eini maðurinn með viti í Samfylkingunni í Reykjavík. Það eru til ýmsar skoðanir á því, mín verandi sú að sá maður sem fór einu sinni í viku í Ísland í dag til þess að drekka bjór, borða steik og láta Ingva Hrafn Jónsson taka sig í [...]
Categories: Fjölmiðlar, Hugleiðingar, Pólitík
Fór á Woyzeck í Borgarleikhúsinu. Gífurlega vel unnin og flott sýning eins og við var að búast af Vesturporti. Rúnar Freyr leysti Ólaf Egil af í kvöld. Það er svekkjandi að heyra þegar komið er í leikhús.
Við Ólafur skiptumst raunar á kveðjum fyrr í dag. Tók eftir því að hann var marinn um höfuðið og [...]
Categories: Menning og listir, Pólitík
Greinin mín um kaffihúsanasistana virðist að litlum hluta hafa hafnað í Lesbók Morgunblaðsins í dag. Þeir sem eru áskrifendur á netinu geta lesið brotið hér.
Categories: Eigin verk, Fjölmiðlar, Pólitík
Ég minntist örstutt á sérstaka talmálsbeygingu orðsins franskar í samkvæmi hjá Daníel í gærkvöldi. Mér gafst ekki tóm til að fara neitt náið í það svo ég geri það nú.
Orðið franskar rekur uppruna sinn til fyrirbæris er nefnist franskar kartöflur. Nafnið mun ekki veita nákvæma vísbendingu um uppruna fyrirbærisins. Í daglegu tali hefur þetta svo [...]
Categories: Hugleiðingar, Íslenska
Aldrei fór það svo að ég bloggaði ekki um ferð mína upp á þá hersetnu Miðnesheiði. Þar situr enginn ormur á gulli, ólíkt fínni heiðum. Eini ormurinn þar að kalla mætti er íslenska ríkið.
Það kemur engum á óvart sem hefur komið þangað að hermennirnir nenni ekki að vera þar, þó ekki nema væri leiðindanna vegna. [...]
Ég ítreka.
Hef annars lítið að segja. Höfuðstöðvar andskotans á Íslandi á morgun. Ég með. Sé svo til hvort ég nenni eitthvað að blogga um það. Eða um nokkuð annað hvað það varðar. Gnægð er af rausi samt.
Categories: Óflokkað
Þessi umsögn fangar betur en hin það sem ég upplifði gegnum lestur bókarinnar. Það er þessi tilfinning um eilífð, lífið var byrjað áður en bókin hefst og því er ekki lokið þótt bókin sé búin. Hann minnist líka á millikaflana, þeir eru mikilvægir, einmitt eins og hann orðar það, þorpssálin, það sem bindur bókina saman. [...]
Categories: Bækur / Bókmenntir
Mér brá talsvert í brún nú á dögunum þegar ég sá Þórólf Árnason spígspora um anddyri Laugardalslaugarinnar í einhverju því mesta hallærisúníformi sem ég hafði nokkru sinni séð. Svo fór fyrir borgarstjóranum, hugsaði ég, orðinn að sundlaugaverði. Já, hátt er fallið.
Í miðri þeirri hugsun hleypur Þórólfur út eins og það hangi einhver á köðlunum, ef [...]
Categories: Óflokkað
Var að ljúka við Sumarljós og svo kemur nóttin, eftir Jón Kalman. Afskaplega falleg bók en sorgleg, ljúfsár eins og lífið, „sem virðist stundum fara í allar áttir en endar svo iðulega í miðri setningu“; ljóðræn, myndrík, litrík. Mæli með henni við alla sem hrífast af lýrík óbundins máls og blæbrigðamiklum stíl.
Hér má svo finna [...]
Categories: Bækur / Bókmenntir
Þeir vita hvað þeir syngja í Íran. Skopmyndasamkeppni, takk fyrir, Helförin tekin fyrir. Eins og Danir hljóta að verða svekktir miðað við afgerandi hátt hlutfall gyðinga þar í landi, þá hefði ég meiri áhyggjur af því hvað Ísraelsmenn segja.
Categories: Fjölmiðlar, Trú
Ég er víst að fara upp á Miðnesheiði með skólanum á fimmtudaginn. Ég ætla að hafa Ísland úr NATO, herinn burt og Höfnum stríði nælurnar mínar. Mér skilst þeir séu svo hrifnir af tjáningarfrelsi þarna í Bandaríkjunum.
Categories: Pólitík
Ég hef ekki beinlínis staðið mig við skrifin í dag, ekki einu sinni tekist að klára heilan kafla. En ég er þó altént byrjaður. Og mér hefur tekist að halda mér óhlutdrægum enn sem komið er, svo kannski fer að rofa til hjá mér bráðum. Ég bara fæ mig ekki til að halda áfram í [...]
Categories: Óflokkað
Í ritgerðinni minni, í inngangsorðum mínum um frumkristni, segist ég ætla að hafna frásögnum Biblíunnar (Genesis) hvar sem áreiðanlegri heimildir stangast á við hana. Þvínæst vitna ég í Biblíuna máli mínu til stuðnings. Já, ég er fantur.
Categories: Óflokkað
Febrúar virðist mér kominn í öllu sínu veldi.
Ég mæti ekki í skólann í dag vegna ritgerðarsmíðar.
Uppfært klukkan 9:40
Ég sé það núna að enda þótt upphaflega verklýsingin hefði mögulega þýtt það að ég skrifaði fimmtíu blaðsíðna ritgerð, þá hefði það verið talsvert auðveldara viðureignar. Ég er ekkert of góður í sagnfræðilegri kristni. Heiðin trúarbrögð og goðsögur, [...]
Categories: Óflokkað
Þrátt fyrir allt þetta kaffi tókst mér að sofna klukkan fjögur og var fyrst að vakna núna. Flottur, Arngrímur.
Categories: Óflokkað
