Í dag lauk draumi sem ég hefði viljað að rættist. En þrátt fyrir að öll mín von, allar mínar hugsanir og væntingar síðastliðinna mánaða hafi verið bundnar þessu eina, er mikill léttir að vita þó altént hvernig málin standa.
Ég kenni engrar vanlíðan yfir þessu ennþá, það er best að hugsa sem minnst um hvernig maður [...]
Categories: Hugleiðingar
Tarja Halonen vann finnsku forsetakosningarnar. Mér skilst hún hafi verið besti kosturinn. Í það minnsta betri en eini vinur Framsóknarflokksins á Norðurlöndunum, Matti Vanhanen.
Ég hef átt nokkuð erfitt með mig síðustu daga, næ ekki að hugsa eina einustu hugsun nema komast að niðurstöðu sem ég svo hafna skömmu síðar. Finnst eins og ekkert sem ég [...]
Categories: Fjölmiðlar, Hugleiðingar, Pólitík, Trú
Fór á Listasafn Íslands á miðvikudaginn og þaðan rakleiðis á Listasafn Reykjavíkur. Á hinu síðarnefnda sá ég þessa sýningu. Mjög spes, en frekar ógeðfelld. Alls ekki allra að sjá. Er sjálfur ekki viss hvað mér á að finnast um hana.
Á hinu fyrrnefnda sá ég aftur á móti þetta. Sérstaklega þótti mér eitt verkið heillandi, en [...]
Categories: Menning og listir
Yðar einlægum brá talsvert í brún, verður að segjast, þegar Davíð Stefánsson hringdi í mig og bað mig að lesa upp ljóð á einhverju herstöðvaandstæðingadjammi, raunar án nokkurs fyrirvara. Vitaskuld þáði ég með þökkum.
Við vorum þrjú sem lásum, Henrik Garcia, Hildur Lilliendahl og ég. Ég missti af Henrik en náði um hálfri Hildi. Ljóðin hennar [...]
Categories: Eigin verk
Sturlaði námsmaðurinn vakir alla nóttina við að hugsa um eitthvað allt annað en námið. Mætir svo í skólann ósofinn, ekki til að læra neitt, ekki til að hitta neinn, heldur af óskiljanlegri skyldurækni. Hvað hefur hann svo sem þarfara að gera?
Sturlaða námsmanninum er það eitt til trafala, að þegar hann kemur heim og líkami hans [...]
Categories: Óflokkað
As an unperfect actor on the stage
Who with his fear is put besides his part,
Or some fierce thing replete with too much rage
Whose strength’s abundance weakens his own heart,
So I, for fear of trust, forget to say
The perfect ceremony of love’s rite,
And in mine own love’s strength seem to decay,
O’er-charged with burden of mine own [...]
Categories: Bækur / Bókmenntir, Hugleiðingar
Næsta þriðjudagskvöld, strax eftir Gettu betur, verður haldin bókmenntahátíð í Skálholti. Þar munu nokkur valinkunn skáld lesa úr verkum sínum hlustendum til yndis og unaðsauka og efla um leið menningarvitund vora. Hefst hátíðin kl 20:30. Þau sem fram koma eru:
Andri Snær Magnason
Kristín Þóra Pétursdóttir
Aldís Guðbrandsdóttir
Gerður Kristný Guðjónsdóttir
Arngrímur Vídalín Stefánsson
Kári Páll Óskarsson
Halldór Marteinsson
Hallgrímur Helgason
Þetta gekk vel, [...]
Categories: Bækur / Bókmenntir, Eigin verk
Ég lagði mig og tæpum tveimur tímum seinna vaknaði ég fullkomlega ósofinn, kaldhæðnislega sem það hljómar. Það er aðeins eitt verra og það er að vakna við hliðina á Gunnari Birgissyni. Raunar, þegar ég hugsa út í það, þá er margt verra en að vakna ósofinn.
Categories: Óflokkað
Ég skrifaði tvær persónulegar færslur í röð, henti báðum. Stundum er betra að þegja en bera vandamál sín á torg. Mönnum er hvort eð er engin náðarbjörg í að úthella blóði sínu á internetinu. Nema þeir vilji fá svona komment: Luv ur sight, pres_link fur penis enlargment.
Categories: Óflokkað
Mér líður eins og ég hafi ekki sofið í marga daga. Það er ekki öldungis rétt, ég hef lítið gert annað undanfarið. Ég hef greinilega ekki fengið nema ráðlagðan hámarksdagskammt af kaffi í dag, skömm sé að því, fyrst innistæðulaus þreyta sækir að mér eins og skrattinn á hæla Sæmundi. Sólarhringurinn er of stuttur manni [...]
Categories: Kaffi og te
1. Bíddu þar til allir eru orðnir temmilega fullir.
2. Hættu skyndilega að höndla bjórinn þinn.
3. Spurðu gestgjafann hvort hann eigi plastfilmu til að vefja um bjórinn þinn (hann segir nei).
4. Spurðu gestgjafann hvort það sé þá í lagi að þú vefjir hálfdrukkinn bjór inn í Vínbúðarplastpoka og setjir inn í ísskáp. Hann er fullur svo [...]
Categories: Óflokkað
Ég sé það æ betur að ég þoli það illa. Eins og ég vildi nú trúa því að ég plumaði mig best með tifandi tímasprengju á herðunum.
Categories: Óflokkað
Eins og allir Íslendingar vita er hvert og eitt okkar hið eina rétta autoritet á það hvað telst frægu fólki sæmandi. Oft lætur fólk hafa ótrúlegustu hluti eftir sér. Eins og ein manneskja sagði eitt sinn um tvær mismunandi manneskjur með stuttu millibili:
1. „Þá gekk Xur upp að mér og sagði: Hæ, ég heiti Xur. [...]
Categories: Hugleiðingar
Ég svaf illa í nótt og lítið. Dreymdi martröð sem fólst í að ég missti tunguna eftir að vinkona mín hafði stungið pinna gegnum neðri vörina á mér, óvíst hvort hún yxi aftur. Það er ástæða fyrir því að mér er meinilla við svona andlitsjárn, ef þið hélduð að þetta væru bara fordómar hjá mér. [...]
Categories: Draumfarir, Óflokkað
Er úr Sumarljósi og svo kemur nóttin, eftir Jón Kalman Stefánsson.
„ … en við segjum stundum við gamla manninn: láttu nú hendurnar standa fram úr ermum, eða: þér eru aldeilis mislagðar hendur í dag! Þetta finnst okkur fyndið og honum stundum líka, en þó ekki alltaf.“
Skömmu áður í bókinni kemur fram að maðurinn sem um [...]
Categories: Bækur / Bókmenntir
Mér er sagt ég hafi hrópað upp yfir mig í gærkvöldi, í umræðu um skatólógíu, að hún væri „fokkíng snilld“. Vil ég nota þetta tækifæri til að benda fólki á að hrifning mín á skatólógíu þarf ekki endilega að vera byggð á neinu merkilegra en almennri hrifningu á grískum hugtökum. Í það minnsta hef ég [...]
Categories: Tungumál / málfræði
Mér finnst ég stundum vera eins og náunginn úr laginu In Between Days með Cure. Lag dagsins er annars Cinny’s Waltz eftir Tom Waits. Það er enginn texti í því, svo þið þurfið bara að finna það á netinu til að ná stemmningunni.
Ég keypti mér fleiri bækur í dag. Ég hallast að því að ég [...]
Categories: Bækur / Bókmenntir, Hugleiðingar, Menning og listir
Það er aldrei að vita nema ég hafi dottið niður á nýja vinnu. Verður það afturhvarf til liðinna ára að vissu leyti, því sem starfið sem um ræðir er á Borgarspítalanum. Já, ég er að hugsa um að gerast bindiskarl í glerbúri. Engir viðskiptavinir = draumur í dós.
Annars sé ég það æ betur að ég [...]
Categories: Fjölmiðlar, Hugleiðingar
Er kaffi kannski aðeins ein tegund af tei? Hvers vegna trúir fólk fremur á heilunarmátt tes en kaffis við hálsbólgu? Allt þetta og meira til í nýjustu bók okkar Páls Skúlasonar, „Pælingar 8, um frumspeki kaffis“.
Categories: Kaffi og te
Minnkar nýtni kaffis í öfugu hlutfalli við hversu mikið af því er notað í senn? Dæmi: Fæ ég jafnbragðsterkt kaffi ef ég helli upp á sjö bolla í sömu hlutföllum (ein skeið á bolla) og ef ég helli upp á þrjá, eða virkar hér sama lögmál eins og um minnkandi afrakstur, að þeim mun meira [...]
Categories: Kaffi og te
Ætli þessi hafi ekki haft Sama á milli lappa eins og við hinir? Eða með orðum Þórunnar Ólafsdóttur: Ef þú ferð heim með Sama og nærð honum ekki upp, þá stendur þér ekki á Sama.
Í nótt dreymdi mig að ég hefði farið til Grænlands og haft bílinn með. Móður minni fannst það ekki eins góð [...]
Categories: Óflokkað
Ég sé það æ betur hvað ég þarf að leggja mig þeim mun meira fram á öllum sviðum til að ná tilteknum árangri. Viðjar vanans geta oft reynst mönnum fjötur um fót og viljanum yfirsterkari (sé hann á annað borð til, um það skal ég ekki fullyrða). Það er kannski rétt að tilraunir séu dæmdar [...]
Categories: Hugleiðingar
Ég hef fullkomið óþol fyrir orðskrípinu „einkannir“. Hinsvegar er ég að hugsa um að taka upp merki Kára Páls Óskarssonar í ræðu og riti og tala um „nesjamennsku“. Ég get leyft mér það vegna þess að orðið er fullkomlega sneytt allri landfræðilegri skírskotun, enda þótt það sé aðeins eitt nes á Íslandi sem orðið gæti [...]
Categories: Íslenska
Það hlýtur að vera þægilegt að vera alþingismaður og þurfa aldrei að svara gagnrýni, vegna þess að öll gagnrýni er alltaf ótímabær, óskiljanleg og á lítið erindi inn í umræðuna. Ætli þetta sé það fyrsta sem menn læra þegar þeir setjast á þing, að segja aldrei neitt sem mögulega gæti haft merkingu.
Categories: Pólitík
Ég hef verið að velta fyrir mér orðinu þröngsýni, þ.e.a.s. hvenær er gott að nota það, og komist að því að merking þess er of víð. Manneskja getur verið þröngsýn vegna fordóma sinna en æ oftar finnst mér ég heyra talað um að tiltekinn skóli innan ýmissa fræðigreina hafi of þröng sjónarmið, að fræðimenn vissra [...]
Categories: Tungumál / málfræði
Ég svaf ekkert í nótt, ákvað að fara að sofa klukkan átta frekar en mæta í skólann. Ég var þó enn glaðvakandi um það leyti og þurfti talsvert að leggja á mig svo ég gæti sofnað. Kannski hefði verið auðveldara fyrir mig að einfaldlega mæta.
Stundum sér maður ekki eftir því að þiggja meðmæli og ég [...]
Categories: Bækur / Bókmenntir
Jæa, þá er ég farinn að fikta í útlitinu enn á ný. Það gæti tekið mig nokkurn tíma að fikra mig fram úr þessu öllu saman, þýða síðuna upp á nýtt og allt það. En það kemur.
Og auðvitað keypti ég þrjár tilboðsbækur í viðbót í dag. Ég veit ekki hvaða þráhyggjuárátta þetta er í mér.
Categories: Bækur / Bókmenntir, Óflokkað
Dagarnir líða fljótt núorðið. Fullfljótt. Ég lendi í þeirri aðstöðu sérhvern dag að það vantar nokkrar klukkustundir í sólarhringinn svo ég fái lokið verkum mínum. Vegna þess ég er seinn til verka. Ég þarf greinilega að endurskipuleggja daginn og minnka eftirlátssemina við sjálfan mig. Hefði ég einkatölvu myndi ég einfaldlega refsa sjálfum mér og skrifa [...]
Categories: Óflokkað
Ég mun víst neyðast til að lesa um fjölgreindakenningu Howards Gardners á þessari önn. Leyfist mér þá að vitna til hans sjálfs:
Ultimately, it would certainly be desirable to have an algorithm for the selection of an intelligence, such that any trained researcher could determine whether a candidate’s intelligence met the appropriate criteria. At present, however, [...]
Categories: Félagsvísindi, Hugleiðingar
Ég sé að móðir mín hefur keypt kaffi sem kallast „Frískleg morgundögg“. Ekki skil ég hvað í ósköpunum fékk hana til að kaupa þetta sull. Mitt kaffi skal heita „Tjara“ eða ekkert. Frískleg morgundögg, það er eitthvað sem ég myndi kalla teið mitt.
Categories: Óflokkað
Það er 3 fyrir 2 tilboð í bókabúðunum núna og vitaskuld stóðst ég ekki freistinguna og keypti níu bækur. Nei, ég lýg því, ég keypti bara þrjár. Það voru Samkvæmisleikir eftir Braga Ólafsson, Snarkið í stjörnunum eftir Jón Kalman Stefánsson og Níu þjófalyklar eftir Hermann Stefánsson. Nú hef ég ekkert lesið eftir þessa höfunda og [...]
Categories: Bækur / Bókmenntir
„And Romeo says -Hey man gimme a cigarette,
and they all reach for their pack
and Frankie lights it for him and pats him on the back.“
- úr „Romeo is Bleeding“ eftir Tom Waits.
Aðalmálið er samt ekki hvað hann segir heldur hvernig hann segir það.
Categories: Menning og listir
Það gerist helst til oft að ég hlaupi í tölvuna með næstu arkímedesarskrúfu í hausnum og sé búinn að gleyma því strax og ég sest niður fyrir framan hana. Þetta henti mig rétt í þessu. Guð má vita hvenær ég man hvað var svona mikilvægt.
Ég hef samið við starfsmannastjóra vinnustaðar míns um að fá að [...]
Categories: Óflokkað
Tíðindin slógu mig. Óhugnanlegt er til þess að hugsa hvernig hefði getað farið fyrir Steingrími í gærkvöldi. Blað skilur bakka og egg. Vonandi hlýtur hann skjótan bata.
Categories: Óflokkað
Jussi er hammaslääkari. Þó ekki í orðsins fyllstu merkingu.
Categories: Óflokkað
Þetta Golden Globe drasl virðist mér vera í sjónvarpinu. Hvar eru svo þessir hryðjuverkamenn þegar nauðsyn knýr dyra? Óendanlegur er ímugustur minn á „fínu og frægu“ fólki. Mun meiri en á hryðjuverkamönnum. Vissulega eru Hollywood-stjörnur raunar angi af sömu grein, en það horfir hvort eð er enginn á þetta, þannig að kannski fer heimurinn ekki [...]
Categories: Óflokkað
Ég tók eftir því þegar ég tók strætó í skólann að búið er að reisa heljarmikinn glerinngang við eina öryrkjablokkina við Vesturbrún. Til að vernda fína nýja innganginn fyrir suicidal öryrkjum er búið að girða af allar svalir sem snúa að honum með rimlum. Það þýðir ekkert að reisa nýjan inngang í hvert skipti sem [...]
Categories: Óflokkað
Pólskir fánar prýða alla snjóplóga núorðið. Ætli arðrændir pólskir verkamenn á Íslandi séu loks að vakna til meðvitundar og samkenndar hver með öðrum? Gott ef satt reynist.
Bóndadagur á næstu grösum. Mér væri nær að eignast kærustu fyrir þann tíma. Svo er konudagurinn í september, en þá fær karlinn að stjana við við sína, eins og [...]
Categories: Hugleiðingar, Pólitík
Hinn póstmóderníski maður skefur bílinn svo hann þurfi ekki að ganga í bakaríið í næstu götu. Raunar hefur hann afsökun, það þyrfti stultur til að komast gangveginn.
Annars sé ég að Salman Rushdie hefur bæst í frækilegan hóp Fréttablaðsskríbenta. Fyrst Kofi Annan, svo Rushdie. Ansi gott fyrir svona lítið blað verð ég að segja.
Categories: Óflokkað
Partíhaldarar í blokkinni minni eru óvinir mínir. Þeir sem ríða sérlega hávært í blokkinni minni eru líka óvinir mínir. Sparið nautnirnar fyrir sjálf ykkur! Þið búið í svo illa einangraðri blokk að þið gætuð allt eins verið að hamast á stofugólfinu hjá mér! Hvar er borgaralega siðgæðið núna, ha?!
Categories: Óflokkað
Baltasar Kormákur minntist á lagið „A Little Trip to Heaven“ eftir Tom Waits á dögunum, í sambandi við samnefnda mynd sína. Nú hef ég ekki séð myndina, en ég hef séð trailerinn. Í honum kemur fyrir lagið „Rosie“ eftir Tom Waits, en ekki titillag myndarinnar. Nú má velta fyrir sér hvers vegna lagið „A Little [...]
Categories: Hugleiðingar, Menning og listir
Ég fer ekki ofan af því að Akranesið er nú vestar, séð frá eldhúsglugganum mínum. Sem rennir stoðum undir grun minn frá í desember, þegar ekkert sást til þess, ekki einu sinni ljóstýra: Það var ekki þarna. Þeir voru að færa það, helvítin á þeim.
Categories: Óflokkað
„Ég er feitur og asnalegur kerfiskarl sem hefur engin skýr markmið nema hlæja stórkarlalega á bæjarráðsfundum, sparka í fátæklinga, reykja vindla, éta kavíar og rúnka mér á súludansstöðum. Kjóstu mig í 30. sæti á lista Sjálfstæðisflokksins í Kópavogi!“
-Xur Xursson, kerfisfræðingur.
Categories: Pólitík
Maturinn minn brann í ofninum meðan ég skrifaði síðustu færslu. Sumir kynnu að kalla það óheppni. Ég kalla það kæruleysi.
Categories: Óflokkað
Í dag er föstudagurinn 13 og ég hef ekki verið óheppinn með neitt, nema kannski skapið í mér, sem er óvanalegt því yfirleitt hendir mig eitthvað óheppilegt á hverjum degi. Merkilegt með slæma skapið er hvað ég berst alltaf við að viðhalda því, en halda mætti að samráð hefði verið um það á vinnustaðnum að [...]
Categories: Óflokkað
Að öllu eðlilegu hefði ég verið búinn að sofa út klukkan hálfátta í morgun, ákvað samt að sofa út heldur en mæta í skólann og vaknaði nú klukkan hálftvö. Kannski þurfti ég á því að halda.
Mikael Torfason og Jónas Kristjánsson hafa sagt af sér. Auðvitað áttu þeir að gera það. Hitt er svo annað mál, [...]
Categories: Fjölmiðlar, Óflokkað
