Fór veikur heim úr vinnunni í miðri afgreiðslu. Það var mátulegt á mig. Ég veit ekki hvers vegna það var mátulegt á mig, en það hlýtur að hafa verið það. Allt sem mig hendir er mátulegt á mig, a.m.k. ef sumir eru hafðir til álitsgjafar.
Þannig er skap mitt þessa stundina að ég vil heyra sem [...]
Categories: Óflokkað
Mættur í vinnuna. Veðrið er skárra en í gær, en fyrr má nú vera að þurfa að grípa húfuna á lofti á hverju götuhorni. Leiðindarok.
Talsverð ólga í ungpólitíkinni. Eins og alltaf raunar, þar sem Heimdallur á í hlut.
Categories: Óflokkað
Þetta finnst mér gaman að heyra. Bloggfærsla mín um vampírur í Blóðbankanum hefur sumsé borist í sjálfan Blóðbankann, starfsfólkinu greinilega til nokkurrar skemmtunar. Það útskýrir innlit fólks hingað gegnum pósthólf Landspítalans. Ég var orðinn uggandi um stund.
Categories: Óflokkað
Emil hefur klukkað mig. Ég veit ekki hvort ætlast sé til þess að maður svari klukki tvisvar, en gamla klukkið var svo niðurdrepandi að mér finnst ég skyldugur til að bæta við. Og það er nú einu sinni eins og maðurinn sagði: Bloggið er sjálfhverft. Raunar er allur tjáningarmáti sjálfhverfur á sinn hátt, því með [...]
Categories: Óflokkað
4. Þegar ég var níu ára horfði ég á mér yngri strák kúka á loftræstistokk ofan á Klóakstöðinni við Kirkjusand svo kúkurinn þyrlaðist yfir hann allan. Ég rétt slapp undan skothríðinni og hef blessunarlega líka sloppið við öll sálræn eftirköst.
5. Ég vil alltaf hafa puttana í öllum málum og það að ég taki við stjórnartaumunum [...]
Categories: Óflokkað
Ég hef fengið niðurstöður greindarprófs sem lagt var fyrir mig. Er tiltölulega ánægður.
Categories: Óflokkað
Já, nú er ég stoltur eigandi glæsilegs jakka sem ég keypti mér í „Herra outlet“ í Faxafeni. Sölumaðurinn var líka skemmtilegur, með málband yfir axlirnar eins og klæðskeri. Á morgun eignast ég svo glæsilegan nýjan frakka. Það verður nú munur.
Categories: Óflokkað
Mikið er ég feginn því að blóðhundar Bandaríkjanna hafi ákveðið að slökkva á prenturum sínum þegar þeir eru ekki að prenta sína útgáfu mannkynssögunnar í þeim. Ég er líka handviss um að fórnarlömb fellibyljanna tveggja gráti hamingjutárum til dýrðar herrum sínum, sem hvergi mega aumur sjá á öðrum og öllu fórna fyrir hagsmuni heildarinnar.
Categories: Óflokkað
Baugsfeðgar létu einkaspæjara fylgjast með ferðum Jóns Geralds og konu hans, segir herra Sullenberger sjálfur. Í hvaða tilgangi sagði hann ekki. Einnig hefur komið fram að Jónína lá undir Styrmi og gat með honum lögfræðiaðstoð Jóns Steinars, þrátt fyrir að óvinveittir Sjálfstæðismenn hafi í andstöðu sinni hangið yfir henni eins og ufsagrýlur andskotans, enda þótt [...]
Categories: Óflokkað
Merkileg þessi dagblaðaauglýsing frá Betra baki. Þar eru myndir af ýmsum gerðum rúma og svo mynd af Siggu Beinteins, með nafni hennar letruðu undir. En það er hvergi vitnað í æðislega reynslu Siggu af rúmunum, eða hinum kyngimögnuðu Spring Air Never Turn dýnum. Það er bara myndin og nafnið.
Þetta er náttúrlega bara snilld, ósnortið land [...]
Categories: Óflokkað
„Yfirlýsing Jóns Geralds Sullenbergers er eftirfarandi:
Í tilefni af forsíðufrétt Fréttablaðsins í dag 26. september 2005 vill ég koma eftirfarandi á framfæri …“
Um að gera að láta ekki taka sig of alvarlega.
Categories: Óflokkað
Hvað er athugavert við þessa setningu: „Hvernig talarðu drengur? Ég hef heyrt ungabörn tala réttari íslensku!“
Ef gagnrýna á málfar annarra, skal aðgæta að stíga ekki á bananahýði hrokans, og misfarast málfarslega í sjálfri gagnrýninni. Sum lýsingarorð eru merkingar sinnar vegna aðeins brúkleg í einu stigi, enda þótt þau séu málauðginnar vegna einnig til í hinum [...]
Categories: Óflokkað
Það var svo stillt úti í henni Reykjavík að mér fannst ég heyra nið aldanna, í hverri liðinni hreyfingu hreyfingarlausra trjánna, í hverjum andardrætti golu sem ekki var til staðar, í hverju fölnuðu blaði birkirunnsins, í hverju horfnu spori norðurljósanna, í hverju bliki löngu dáinnar stjörnu, í glitrandi fótsporunum sem eitt sinn prýddu frostbitna stéttina, [...]
Categories: Óflokkað
Ég hef aldrei skilið hvers vegna málabrautir framhaldsskólana eru kallaðar „flugfreyjubrautir“. Mikill er máttur þeirrar flugfreyju sem farið getur með Hómer og Evripídes á frummálinu.
Ég þykist ekki ná til botns í endaleysu þessa Baugsmáls. En hitt þykist ég vita, að hverjir svo sem það verða sem málið springur framan í, þeir verða í vondum málum. [...]
Categories: Óflokkað
Að sjálfsögðu fúnkerar ekki inn í samsæriskenningarnar hvernig Linda gat sætt sig við þykjustu Paul í staðinn fyrir þann gamla. Maður þarf að vera ansi mikill síkkópati til að geta það.
Categories: Óflokkað
Paul McCartney er víst dáinn, samkvæmt sumum, og lookalike fenginn í staðinn. Í fyrstu fannst mér þetta fyndið, en svo sá ég þessa sjúku síðu, og fékk beint í æð hversu klikkað fólk getur verið. Þar er dagbók, lögð einhverjum í munn sem ég kann ekki að skýra hver er, en þar má meðal annars [...]
Categories: Óflokkað
Ég sá að litli bróðir minn hefur fengið þá afbragðskennslubók Landnám Íslands, sem ég hafði í fimmta bekk. Bókin er skrifuð 1982, en kennslubækur þess tíma voru mun kröfumeiri og vandaðri, eins og sést þegar bókin er borin saman við annað það kennsluefni sem bróðir minn hefur haft.
Í Landnámi Íslands er meðal annars vitnað orðrétt [...]
Categories: Óflokkað
Ég er alveg að eipa. Ég hef engu komið í verk í dag. Svo finnst mér þessi skyndilega aðsókn gegnum b2 og geim vera nauðgun líkust. 3300 manns í dag. Talandi um hópnauðgun.
Categories: Óflokkað
Er ég kátur yfir því að hafa fengið tengil bæði hjá geimur.is (vampírur í blóðbankanum!) og b2.is (ekki er allt sem sýninst!!)? Nei, ekkert sérlega. Það var ekki ætlun mín að tæplega tvöþúsund manns kæmust að því hversu ófyndinn ég er. En þannig er það nú, menn þekkjast oft af þeirra verstu verkum.
Annars byrjaði ég [...]
Categories: Óflokkað
Lengi hafði mig grunað að maðkur væri í mysunni hjá Blóðbankanum. Því fletti ég Sveini Guðmundssyni, yfirlækni Blóðbankans, upp í Íslendingabók. Þar kemur sannleikurinn í ljós: Hann lést 1817! Þá fletti ég upp stjórnarmeðlimum Blóðbankans. Friðrik Pálsson, formaður bankastjórnar, lést 1832. Haraldur Briem sóttvarnarlæknir lést 1919, en Halldór Jónsson lést 1682.
Varið ykkur á Blóðbankanum, því [...]
Categories: Óflokkað
Ég hef ákveðið að versla ekki í Haugkaupum eftir að ég sá auglýsinguna þeirra um Ameríska daga. Aukinheldur er ég að hugsa um að kæra markaðsstjóra Haugkaupa fyrir að valda mér ómældri óánægju og skaða siðferðisþrek mitt. Siðferðisþrek mitt skaðaðist að því leytinu til að ég er skrefi nær því en áður að fremja morð.
Categories: Óflokkað
Var klukkaður af Alla. Það þýðir víst að ég þarf að blogga fimm staðreyndir um sjálfan mig.
1. Þegar ég var lítill barði ég þá sem gerðu á hlut minn. Í áttunda bekk fann ég að ég hafði ekki lengur yfirburði og hætti allri ofbeldishegðun. Guð má vita hvernig ég hefði orðið annars.
2. Margir skólafélaga minna [...]
Categories: Óflokkað
Hér mun vera rót hinnar stórlega ýktu sögu af þriðja andláti Horst Tapperts. Ég verð að játa að þetta hlægir mig nokkuð. Mig rámar í svipað atvik fyrr á þessu ári. Og sjálfsagt ypptu margir öxlum þegar Van Gogh var myrtur, öllum að óvörum.
En nú hefur Tappert dáið og risið úr gröf sinni þrisvar sinnum [...]
Categories: Óflokkað
Hvernig væri að fólk hætti að blanda trúarbrögðum inn í pólitík? Ég skil ekki hvernig fólki lætur sér detta í hug að kjósa kristilega hitt og þetta flokka (yfirleitt kristilegir íhaldsmenn eða kristilegir demókratar). Ef ég miða við að frumkristni sé hin eina kristni (sem ég geri) þá er ekkert sameiginlegt með þessum flokkum og [...]
Categories: Óflokkað
Tóm er gröfin og opin, hví er ekki meistarinn hér? Því hann lifir, þótt saddur lífdaga sé. Þakka Sverri fyrir öppdeitið.
Categories: Óflokkað
Þeir sem afneita sögusögnum af dauða Horst Tapperts árin 1998 og 1999 hljóta að gefast upp við að heyra af þriðja dauða Derricks. Allt er þegar þrennt er, eða hvað?
Svo eru þeir sem neita því að þeir kumpánar Derrick og Klein hafi verið töff. Það er fjarri sanni og hér er jartein fyrir því.
Categories: Óflokkað
Ég hafði ráðgert mér merkari athafnir þennan árhaustsaftan en að lesa: „Wien ist die Haupstadt von Österreich“ og „Wolfgang Amadeus Mozart wurde in Salzburg geboren“.
Margt annað vildi ég heldur lesa. Til marks um það hafa mér áskotnast þrettán bækur á örfáum dögum. Græðgi mín þekkir sér engin takmörk. Líklegast enda ég eins og Galdra-Loftur. Þá [...]
Categories: Óflokkað
Ég hef eytt nokkrum tíma í að rýna í gamlar dagbækur. Gerði mér ekki grein fyrir því að sé bloggið talið með hef ég haldið dagbók nær óslitið í fjögur og hálft ár. Það sem lesendur þessarar vefdagbókar minnar gera sér hins vegar kannski ekki grein fyrir, er að ég hef einnig haldið persónulega dagbók [...]
Categories: Óflokkað
Sérdeilis er ég máttvana og duglítill þessa stundina. Og verkefnin byrjuð að hlaðast upp: Þýskupróf, tvær greinar, ein vel útpæld beinagrind að stórri ritgerð, kjánalegt líkamstjáningarverkefni í félagssálfræði, hugsanlegt þýðingarverkefni o.fl. Svo ekki sé minnst á önnur aðkallandi verkefni sem hrannast hafa upp í kringum mig til enn lengri tíma. Þessi vitneskja er ekki til [...]
Categories: Óflokkað
Ég minntist á Sódómu í síðustu færslu, velti því svo fyrir mér hvers vegna ég minntist ekkert á Gómorru. Hið fyrra verður alltaf frægara, eða í það minnsta tíðræddara: Sódóma og Gómorra, Hiroshima og Nagasaki, Bush og Blair, Simon og Garfunkel. Ætli Kaaber hafi fallið í skuggann af Ó. Jónssyni, eða var alltaf minnst á [...]
Categories: Óflokkað
Fór með Brynjari Germannssyni á bókamarkað Eddu í fyllist-inn-múla. Keypti þar Ljóra sálar minnar og Mitt rómantíska æði eftir Þórberg Þórðarson, Hundshjarta Bulgakovs og Ljóðmæli Stefáns frá Hvítadal. Fékk Í spegli í gátu eftir Jostein Gaarder, sem frægur varð fyrir Veröld Soffíu, í kaupbæti. Litum við í Góða hirðinum í leiðinni og þar festi ég [...]
Categories: Óflokkað
Lauk við Áhyggjudúkkur áðan. Það er ekki góð bók. Titillinn er töff en ekki lýsandi fyrir úrkynjaðan heim bókarinnar. Sagan er slitrótt og tilgangslaus, samræður oftast nær merkingarlaus kjaftavaðall sem á að hljóma gáfulega og persónusköpun engin, fyrir utan það að sumir eru perrar en aðrir ekki. Nokkuð var um þversagnir í bókinni, eins og [...]
Categories: Óflokkað
Þetta er fyndið, því ég hef lesið svona ritgerðir. Nei, í alvöru.
Categories: Óflokkað
Það má heyra regnið dynja á þaki verslunarinnar og steypast þaðan fram af aftur. Lítið er af fólki og búið er að slökkva á útvarpinu. Ég er í léttu skapi og ekki fjarri því að stórverslunarstemmningin geti verið rómantísk undir vissum kringumstæðum. Það er þó sjaldgæft, svo um að gera er að njóta sérhvers andartaks.
Categories: Óflokkað
Loks skrifar einhver af viti um ástæðu IKEA-geðsýkinnar. Verslunin pantar tvöhundruð bókaskápa og þeir eru farnir eftir viku. Þetta er ekki eðlilegt. Talandi um geðsýki, þá þarf ég að drífa mig í vinnuna. Fæ væntanlega hitt sjónarmiðið, þ.e.a.s. að það sé mér að kenna að fólk fær ekki bókaskápana sína.
Categories: Óflokkað
Það er gott að vita til þess að helsti sérfræðingur Íslands um málefni samkynhneigðra hafi fundið sér tíma til að skrifa bakþanka í Fréttablaðið. Það er alveg rétt hjá honum að samkynhneigðir karlmenn séu ríkir og voldugir nútildags, eyði miklum peningum (?) og hafi enga ástæðu til að væla yfir neinu. Fyrir utan það auðvitað [...]
Categories: Óflokkað
„Sirrý í Afríku“ er fyrirsögn á forsíðu Blaðsins. Fékk mig til að hugsa: Ef Shaft var ekki töff í Afríku, hvaða séns á þá Sirrý? Það er einmitt málið. Hún á ekki fokkíng sjens.
Merkilegur dagur annars. Nei, annars. Hann var það ekki.
Categories: Óflokkað
Ég var í 10-11 áðan. Þar stóð feitur smástrákur við nammirekkann og starði munúðarfullur á. Ég sagði honum að hann þyrfti varla meira við. Nei, ég sagði það ekki. En mig langaði til þess. Hann leit á mig þegar ég brosti íbygginn með löngun minni. Hann hefði haft gott af að kunna hugsanalestur.
Categories: Óflokkað
Ég get ekki ort fyrir framan tölvuna. Að ég tali nú ekki um margra erinda oktövu.
Categories: Óflokkað
Hah! Listasvið komið á ról án þess að hafa verið formlega skapað. Það kalla ég góða byrjun á stríðinu gegn menningarlegu sinnuleysi. Næst: Spjallþráður þar sem kveðist er á. Með þessu áframhaldi og skipulegum áróðri verða vinsælustu valgreinar næsta árs listasaga og yndislestur, og enginn verður maður með mönnum nema hafa lesið Tómas Guðmundsson, Dante [...]
Categories: Óflokkað
Um leið og einhver segist hafa skrifað ömurlegar smásögur fæ ég brennandi áhuga á að lesa þær. Veit ekki af hverju, kannski af þörf á að sýna fram á annað. Hins vegar þegar einhver segist hafa skrifað eitthvað merkilegt hef ég engan áhuga og er strax orðinn þess fullviss að það hljóti að vera ömurlegt. [...]
Categories: Óflokkað
Að sofa í fjórtán og hálfan tíma og missa af kennslu fyrir vikið. Það er einfaldlega ekki töff.
Categories: Óflokkað
Ugh! Þessir tveir kaffibollar sem ég borðaði í morgun eru að umturna í mér meltingarveginum. Það vona ég að skólinn fari að ráða til sín umsjónarmann í mötuneytið, svo það verði ekki alltaf nýtt fólk á kaffivélinni hverju sinni. Það er ekki hægt að hafa svona lítið kaffi í korginum.
Categories: Óflokkað
Ég finn mig knúinn til að gera sem svo margir aðrir á undan mér og lofa þessi meistaralega ortu sléttubönd. Raunar get ég ekki sagt annað en að þau séu einhver þau allra bestu sem ég hef séð. Sannarlega er meistari hér á ferð.
Categories: Óflokkað
Hvers vegna er aldrei rætt um þau? Nú geri ég mér grein fyrir því að fjölmiðlar fjalla ekki um einstaka sjálfsvíg af virðingu við aðstandendur, en er þeim einhver greiði gerður með þögninni? Væri ekki nær að horfast í augu við vandamálið og taka á því? Það leysir engan vanda að hylma yfir hann. Það [...]
Categories: Óflokkað
Tim Burton hefur gert nýja mynd um Kalla og súkkulaðiverksmiðjuna. Já, nýja. Áreiðanlega man enginn eftir þeirri gömlu með Gene Wilder. Það var held ég í henni atriðið sem Kalli festist í tyggjókúlu, eða hvernig það var. Uppáhaldsatriðið mitt þegar ég var lítill. Annars botnaði ég nú aldrei neitt í henni.
Categories: Óflokkað
Ég hef lengi verið þeirrar skoðunar að best sé að sleppa því sem er óþarfi. Það hefur stundum verið kallað „sparnaður“ og þykir víst dyggð á vorum dögum. Og ég hef einmitt fundið góða sparnaðarleið fyrir Fréttablaðið, sem þar að auki tryggir þeim meiri tekjur. Lausnin felst í bakþönkunum á baksíðu blaðanna. Það vita nefnilega [...]
Categories: Óflokkað
Það er týpískur sunnudagur með tilheyrandi stemningasljóleika og leiðindum. Þeir eru farnir að endursýna gömul brot úr þessari leiðinda karókíkeppni, áreiðanlega til að skapa „stemningu“ fyrir komandi keppni. Ég get ekki annað sagt en það hafi þveröfug áhrif á mig. Ég hef einmitt nýverið uppgötvað að það að eiga bæði mömmu og heimabíókerfi er ekki [...]
Categories: Óflokkað
Ég klippti löngu vandræðafærsluna í tvennt: Þakkir og hugleiðingar. Hvort tveggja var skrifað klukkan eina mínútu yfir hálfeitt í nótt.
Categories: Óflokkað
Fólk sem lítur á setninguna „eitt bros getur dimmu í dagsljós breytt“ sem lífsmottó sitt. Gerir það ekki að verkum að fólk fer að brosa hvað ofan í annað að tilefnislausu? Og ef allir væru sífellt brosandi, myndi það ekki rústa merkingartengslum bross og líðan? Ég fór skyndilega að velta þessu fyrir mér. Nefnilega manneskjur [...]
Categories: Óflokkað
