Eitt sinn villtumst við bróðir minn á hóruhús í Verona fyrir algjöra tilviljun. Við komumst svo að því, þegar við fórum að segja fólki söguna, að enginn trúði því að við hefðum villst þangað.
Ég hef verið með Internationalinn á heilanum alveg síðan Skúli raulaði hann fyrr í dag. Þá varð mér skyndilega hugsað til kröfuspjalds [...]
Categories: Óflokkað
Mér finnst það vond hugmynd að nota kenningar Marx innan félagsfræði. Mér finnst það.
Categories: Óflokkað
Þessa helgi eyddi ég um sautján klukkustundum í heimalærdóm. Það sem ég afrekaði þessa helgi verður ekki endurtekið. Svo fékk ég niðurstöður úr prófi úr fyrstu fimm köflum Lord of the Flies um daginn: 7,5. Ég las aðeins helminginn af námsefninu og telst þetta því vera 150% skilvirkni. Það er ekki amalegur árangur.
Categories: Óflokkað
Ég hefi ákveðið að stofna Hálfvitaorðuna, dótturverðlaun Peningaorðu Stefáns Einars „púnkturkomm“ Stefánssonar, sem ég veiti þeim aðilum sem ég tel vel að henni komna hverju sinni og verður hún heiðursmerki þessarar síðu. Hún skiptist í þrjú stig:
Hálfvitaorða
Hálfvitaorða með gullasna
Stórhálfvitaorða
Það fer eftir afrekum viðkomandi hvaða stig orðunnar er veitt en sá sem eitt sinn hlýtur orðuna [...]
Categories: Óflokkað
Æskan er að fara í vaskinn. Þúsundir uppdópaðra amfetamínbarna stara á skjáinn í leit að lífsfyllingu meðan foreldrarnir vinna fyrir nýrri álmu á húsið. Gegnum skerminn kemst æskan að þeirri niðurstöðu að Sálin hans Jóns míns sé góð hljómsveit og að vert sé að eyða fjármunum í þá manneskju sem best getur hermt eftir henni. [...]
Categories: Óflokkað
Nú sit ég fyrir framan tölvuna og vinn að verkefni um goðafræði, maulandi sælgæti. Ég er tilfreds, eins og daninn kallar það.
Categories: Óflokkað
Ekki hyggst ég gera eins og einhver gerði á glænýja blogginu hans Össurar Skarphéðinssonar, að kalla hann fífl á sínu eigin athugasemdakerfi. Nei, það gæti ég gert á minni eigin síðu, hefði ég hug á því. Hinsvegar þykir mér aðdáunarvert af honum að þora að hafa athugasemdakerfi, einmitt af þessari ástæðu.
Annars tók ég eftir því [...]
Categories: Óflokkað
Hvernig í ósköpunum er hægt að deila við mann sem spáir 0-0 úrslitum í handboltaleik Íslands og Rússlands vegna ófyrirséðra veðurskilyrða?
Í dag hét ég þess að hætta að rífast um sálfræði við fólk. Ykkur er því óhætt að lofsyngja gildi sálgreiningar og huglægra túlkana á rannsóknarniðurstöðum í viðurvist minni.
Þessi helgi verður annars hrúguð verkefnum dauðans [...]
Categories: Óflokkað
Hversu mikið áfall væri það fyrir Framsóknarflokkinn ef allir kjósendur þeirra viðurkenndu að þetta hefði verið brandari sem gekk of langt?
Categories: Óflokkað
Skyndilega er ég orðinn gagntekinn einhvers konar ferðamaníu. Ég hef því ákveðið, hvort sem bróður mínum líkar betur eða verr, að fara með honum til Þýskalands í tvær-þrjár vikur sumarið 2006 og ná jafnvel nokkrum leikjum á HM.
Annars vil ég taka það fram að ég þoli ekki hljómsveitina Red Hot Chili Peppers og mér finnst [...]
Categories: Óflokkað
Á teikniborðinu fyrir þetta ár: Tékkland (hæpið þó), Spánn og Marokkó. Fyrir næsta ár: Rússland, með viðkomu í Svíþjóð og Finnlandi. Mér sem finnst ég aldrei ferðast neitt. Mér varð nefnilega ljóst í dag að rússneskunemendur næsta vetrar fá að sækja landið heim. Gangi allt eftir mun Evrópukortið mitt líta svona út. Sem stendur lítur [...]
Categories: Óflokkað
Ekkifrétt núsins, vissulega, en eitt nóteraði ég þó hjá mér við lestur á stefnumismun Össurar og Ingibjargar: Ingibjörg sér nefnilega ekkert því til fyrirstöðu að grunnskólakerfið verði einkavætt. Um leið og grunnskólakerfið er einkavætt og rukkað verður um skólagjöld erum við að viðurkenna að grunnnám sé ekki á færi allra, því ekki munu allir koma [...]
Categories: Óflokkað
Aldrei þessu vant er ég ánægður með litlu djöflana.
Categories: Óflokkað
Ég er þannig gerður að ég vil ekki troða mínu upp á aðra, en ég vil heldur ekki láta aðra troða sínu upp á mig. Þess vegna er ég ekki hlynntur reykingabanni á kaffihúsum eða veitingastöðum. Mér finnst ekkert sérstaklega mikið mál að útbúa reykherbergi ellegar skipta staðnum í tvær misstórar einingar (minni fyrir reykingamenn) [...]
Categories: Óflokkað
Ef einhver var að velta því fyrir sér þá tengist síðasta færsla eldri færslu þar sem ég fann þjóðverjum til ámælis að afsaka aðgerðir Hitlers og skósveina hans. Þýskaland kom sumsé ekki inn í færsluna eins og skrattinn úr sauðaleggnum, eins og sumir félagar mínir þóttust halda fyrr í dag.
Hvað varðar athugasemdirnar þá langar mig [...]
Categories: Óflokkað
Það er oft eins og fólk geri sér ekki grein fyrir því að sjaldan birtist færsla á þessari bloggsíðu nema hugsun liggi þar að baki. Þegar fólk treður upp á mig háðsglósum, úthrópandi skrif mín sem fáránlegt og tilhæfulaust röfl hlýt ég að taka það nærri mér. Andskotinn að það skipti máli. Andskotinn já, það [...]
Categories: Óflokkað
Hann er mjög skemmtilegur þessi maður sem telur sig knúinn til að gera athugasemdir um hvað birtist hér á þessu bloggi, en þorir samt ómögulega að skrifa undir nafni. Oftast kemst hann svo að orði að ég eigi að „hætta þessu væli“. Eins og það sé mjög mikilvægt það sem hér birtist og eins og [...]
Categories: Óflokkað
Í dag hafa mér borist spurnir af mörgum atvikum sem öll munu draga þónokkurn dilk á eftir sér. Í lok skóladagsins veit ég ekki hvernig mér á með réttu að líða, svo ég er nokkuð jafn, en það eftir dag mikilla skapsveiflna. Mér hefur alla jafna verið afar þungt í skapi í dag en aukinheldur [...]
Categories: Óflokkað
Hvers vegna í ósköpunum þurfa þýskir embættismenn sífellt að standa í að afsaka aðgerðir nasista? Er þetta ekki komið gott? Hlutirnir verða aðeins afsakaðir einu sinni. Allt meira en það er diplómatísk slettirekustefna.
Categories: Óflokkað
Ég vona að slabbinu og klakanum verði tortímt í miklu monsúni næstu vikurnar. Jafnvel þótt Reykjavík liti út eins og Amsterdam eftir á.
Allir góðir menn gleðjast við þau tíðindi að kanaagentinn og Dóms- og kirkjumálaráðuneytiserfinginn, Stefán Einar, hefur drepið lýðvefssíðu sína úr dróma síns langa dvala. Vöntun var á þrugli svo heimurinn gengi upp.
[...]
Categories: Óflokkað
Ummæli Gunnars I. Birgissonar (e. The Kingpin) þess efnis, að fulltrúar Reykjavíkurlistans væru með augljósa minnimáttarkennd gagnvart Kópavogi og að þeir ættu að leita sér sálfræðihjálpar, segja meira um hann sjálfan en fulltrúa R-listans. Ég er ekkert sérlega hrifinn af R-listanum, eins og lesendur kannski vita, og hef sjaldan fundið þörf né löngun til að [...]
Categories: Óflokkað
Fúkkalyktin situr föst í vitum mér. Það er góð vísbending um að ég sé að sigla hraðbyri fram af hömrum líkamsheilsunnar ofan í ginnungagap rúmfestunnar. Já, hinn ægilegi sannleikur er kominn upp á yfirborðið: Arngrímur hefur gaman að hallærislegum myndlíkingum! Hann hefur dregið yður öll gegnum dal lyganna á asna svikseminnar og haft yður öll [...]
Categories: Óflokkað
Greinin mín af Morgunpóstinum hefur nú einnig verið birt hér. Hvet alla sem ekki hafa lesið hana til að gera það núna. Ég ítreka að ég tek EKKI við svörum við henni hér.
Fyndin mynd er af Gettu betur liði borghyltinga framan á Fréttablaðinu í dag. Það sem við fyrstu sýn virðist vera logandi sígaretta [...]
Categories: Óflokkað
Jæa, þá erum við komnir í sjónvarpið. Tvennt er þó leiðinlegt, en það er annarsvegar að MR og Borgó hafi þurft að mætast svo snemma í keppninni og hinsvegar að nokkrir verzlingar urðu sér og sínum skóla til minnkunar er þeir mættu fyrir keppnina og otuðu Hljóðnemanum framan í keppendur, vafalítið að áeggjan brottrekna féhirðisins [...]
Categories: Óflokkað
Formaður Matsveinafélagsins segist ekki vera getinn af djöflinum í Fréttablaði dagsins í dag. Hvað getum við, sauðsvartur almúginn, annað gert en að taka því trúanlega? Verra er þó að vera kominn úr blóðugum endaþarmi andskotans, eins og annar hver hlutur í Myrkrahöfðingjanum.
Í Fréttablaðinu stendur einnig að nokkrir ísraelskir þingmenn hóti því að sniðganga væntanlegt ferbrúarþing [...]
Categories: Óflokkað
Þorkell bloggar um að afi sinn hafi besserwisserast með uppfinningu Pascals, reiknivélina. Sjálfur tel ég hæpið að eigna Pascal algjöran heiður að þeirri merku uppfinningu. Eins og gjörla má sjá þegar honum er flett upp í leitarvél er hann ekki sá eini og alls ekki sá fyrsti til að setja saman reiknivél. Hann er hins [...]
Categories: Óflokkað
Ekki þekki ég mikið til Ölvis barnakarls, en mér heyrist hann vera hið mesta pervert. Maður ætti þó að gæta orða sinna; mér skilst hálft Ísland sé komið undan fótum hans.
Categories: Óflokkað
Leiðindagerpi, þetta gula á Ríkissjónvarpinu sem segir húba. Ekki er ég hissa á öllum veiðiþjófunum sem vilja hann feigan.
Categories: Óflokkað
Blaðsíða átta í Fréttablaði dagsins er sniðug. Þar er annars vegar vísað í DV-grein um einhvern Kaftein Kókaín, sem að sögn beinbraut ekki aðeins konuna sína en lemstraði úr henni tennur í þokkabót. Hvílíkt illmenni. Loks höfum við íslendingar alvöru ofurillmenni, en það er nauðsynlegt á alþjóðavettvangi, svo við glúpnum nú ekki frammi fyrir Dr. [...]
Categories: Óflokkað
Minn æðsti draumur er að heyra þjóðsönginn sunginn af manni sem talar einhverja skemmtilega mállýskublöndu. Sjáið þið það ekki fyrir ykkur: Eitt eilebbdar smábellóm með tetraandi tár. Sem telbeður gvöð senn og deyr. Æði.
Categories: Óflokkað
Er ég mætti í skólann í morgun hafði dreyrbíll La Banque du Sang rennt í hlaðið, tilbúinn til að vagga og velta. Lét ég þar blóð mitt. Ekki ligg ég á blóði mínu, eins og ormur á gulli. Onei. En af þeim sökum mætti ég of seint í tíma hjá Gufunni og missti af heilum [...]
Categories: Óflokkað
Hvað ef ég færi til Þýskalands vopnaður Þórshamrinum? Hvað um japönsku hliðstæðu þess tákns? Fólk er almennt vanhæft til að geta gert greinarmun á öllum þessum merkjum (sbr. gyðingurinn sem hljóp í fjölmiðla eftir árekstur við Eimskipafjelagshúsið og nokkra óprúttna unglinga), þó ég geti það hæglega. Það er rugl að eiga að banna merki, sérstaklega [...]
Categories: Óflokkað
Ég hef mikið hlustað á Pornography með Cure síðustu daga og útnefni hana hérmeð plötu janúarmánaðar, þess mánaðar sem öðrum tekur fram í ömurleik og kulda. Ég þoli ekki janúar.
Categories: Óflokkað
Það er gæsaþing úti í garði hjá mér. Allar snúa þær til suðausturs, utan forystugæsin, sem snýr til norðvesturs. Hana má sjá hægra megin fyrir miðri mynd. Laugarnesgæsirnar hafa með árunum þingað oftar í garðinum hjá mér, eða allt að fjórum sinnum á ári.
Categories: Óflokkað
Ég hef ekki verið í góðu skapi síðan ég sá áramótaskaupið. Nei, í alvöru. Ég forundra mig raunar á því að enginn hafi tekið eftir því.
Af þeim átta bókum sem fyrir mig er lagt að lesa í bókmenntaáfanganum hef ég nú lesið eina bók og einn þriðja. Ég kláraði Germaníu Taciti í fyrradag og er [...]
Categories: Óflokkað
Ég henti óvirkum bloggurum útaf tenglalistanum. Ég er vægðarlaust illmenni, en ég kann því vel, mouahhmouahh!!!
Categories: Óflokkað
Það er merkileg upplifun að hitta fólk sem maður hélt í æsku að væri skrýtið og uppgötva að í raun er það stórskrýtið. Ég hef alltaf haldið að ég hefði bara ekki haft nægan þroska til að skilja, enda finnst börnum margt skrýtið sem raunverulega er eðlilegt. Hins vegar uppgötvaði ég að nú fyrst hef [...]
Categories: Óflokkað
Alli bendir mjög svo réttilega á að líklegast hefði ekkert verið sagt ef Haraldr konungsson hefði mætt á ballið uppáklæddur sem andskotinn. Það þarf ekki einu sinni afleiðingu til að benda á hina augljósu þversögn.
Hin mesta firring mannsins er þegar verkamaðurinn gefur yfirstéttinni sjálfur vald til þess að arðræna sig. Dæmi um þetta eru tónlistarmenn [...]
Categories: Óflokkað
Ég fordæmi hvern þann sem kallar Sinfóníuhljómsveit Íslands „Sinfó“. J’accuse!
Categories: Óflokkað
Ég verð að segja að ég er hneykslaður á þessu. Ekki á framkomu prinsins, heldur fjölmiðlum. Allt hlýtur að vera leyfilegt á grímuböllum. Hins vegar kemur ekkert af því sem hann gerir neinum öðrum við. Mesta smekkleysan af öllu hlýtur að vera sú að paparazziljósmyndarar gera honum lífið leitt, sama fólk og varð móður hans [...]
Categories: Óflokkað
Það sem eftir lifir degi hyggst jeg ok lesa í doðröntum þeim, er jeg hefi valið mjer til aflestrar í bókmenntaáfanganum. Bækurnar valdi jeg aðallega til að fræðast, eigi mjer til neinnar sjerstakrar dægrastyttingar, en flestir þeir aðrir, er áfangann sækja, velja sjer reifara ok ruslbókmenntir. Oss dauðlegum var aldregi meint að skilja slík fláræði.
Categories: Óflokkað
Ég hef ákveðið að skrifa íslenskuritgerð upp úr ævisögu Árna Magnússonar eftir Má Jónsson og tók hana á safninu áðan. Mér brá nokkuð þegar ég las formálann, þar sem Már þakkar móður sinni, Helgu Kress (!), fyrir hjálpina. Ég get lítið annað sagt nema að ég vona að ruglið erfist ekki. Hversu slæmt gæti það [...]
Categories: Óflokkað
Jæa, þá hefur minn fyrsti pistill birst á Morgunpóstinum. Pistillinn er einnig væntanlegur á heimasíðu UVG og þá væntanlega líka á skoðun.is. Eins og venjulega tek ég ekki við athugasemdum um pistilinn hér. Ég hef raunar þegar tekið eftir því að hann var sendur inn í fljótfærni. Hann hefði mátt orða betur sumstaðar auk þess [...]
Categories: Óflokkað
Úrslit kvöldsins í Gettu betur af þeim viðureignum sem ég sá voru (að mig minnir):
MR 28, Vestmannaeyjar 11.
MS 18, VMA 8.
Ég get lítið annað sagt en að ég hefði áreiðanlega koxað hefði ég verið valinn í liðið. Sá sem var valinn í minn stað klikkaði á nær öllum þeim atriðum sem ég hafði rétt (já, [...]
Categories: Óflokkað
Eftir að hafa skrifað síðustu færslu lagði ég mig. Skyndilega, fyrir svona klukkutíma, hrökk ég upp þegar hryllileg óhljóð bárust upp um gólfið hjá mér, í fyrstu aðeins barnsgrátur, en fljótlega kven- og karlmannsöskur. Skarkalinn gaf vísbendingu um að ekki aðeins væri verið að henda húsgögnum í fólk heldur væri slökkviliðið einnig á æfingu í [...]
Categories: Óflokkað
Gaman er að læra um trúarbrögð súmera og babylóníumanna í menningarsögutímum hjá Brynju Valsdóttur.
Ekki er jafn gaman að hafa slíkt peningavit sem ég hef. Þá er bót í máli að hálf janúarlaunin verða greidd um mánuðinn miðjan. Hland er þó skammgóður vermir því á móti kemur að afgangurinn verður ekki greiddur fyrr en í mars. [...]
Categories: Óflokkað
Kannski ég ætti að gera eins og Tacitus og skrifa hliðstætt rit Germaníu um lifnaðarhætti unglinga. Það gæti heitið Iuvenia. Í kaflanum um talsmáta þeirra (kap. VII: Hrognamál) gæti verið sýnidæmi af deilu tveggja ímyndaðra unglinga:
Unglingur 1: Fokkastu frá mér, þarna fokkíng fokk, eða ég fokkaðér upp!
Unglingur 2: Ekki fokkíng séns, fokkíng fífliðitt. Ég á [...]
Categories: Óflokkað
Fyrir sumum gæti það hljómað spennandi að vera umdeildur. Þá nægir að líta á Hannes Hólmstein til að draga úr þeirri spennu. Eitt sinn var því haldið fram við mig að Hitler væri umdeildur. Það fannst mér þó merkileg saga, enda ekki margt að deila um í hans fari.
Hins vegar finnst mér töff að vera [...]
Categories: Óflokkað
Páfinn er tvíþættur. Stundum er hann krúttlegur, þá langar mig til að tefla við hann. Stundum langar mig til að kyrkja hann, t.d. núna. Hann gengur ekki heill til skógar, páfinn. Á sama tíma ganga aðrir ekki heilir frá skógi.
Og þetta? Þrælmerkilegt, ef satt reynist.
Ætli margir hefðu farið að sjá Gorillas in the Mist á [...]
Categories: Óflokkað
Ég hef hræðilegan grun um að stjórnmálafræðikúrs annarinnar verði hreinn hryllingur. Þar kemur ýmislegt inn í. Hér eru nokkur valin atriði:
1. Kennarinn hefur ekki hugmynd um hvað hún er að gera.
2. Kennarinn þrástagast á að sínar skilgreiningar séu réttar vegna þess að eitthvert fífl ákvað að svo skyldi vera. Það er eðlilegt nema fyrir það [...]
Categories: Óflokkað
