Bloggið um veginn

Svo er bókaskápurinn á leiðinni að fitna með laglegri og ómissandi viðbót við þegar ágætt safn mitt, auk þess að til stendur að versla nýtt rúm, baki mínu til mikils léttis. Það kemur þó ekki fyrr en ég hef tekið til hendinni.

Í gærkvöldi hitti ég gamlan kennara minn. Hann var mjög ölvaður og formælti skólastjórninni og ég veit ekki hvað. Svo sagðist hann hafa verið strangur kennari, en það hafi bara verið til að herða okkur svo við gætum orðið „best í heimi“. Ekki skal furða að nokkuð hefur dregið yfir þá glansmynd sem ég hafði af honum sem kennara. Tja, það var nú kannski aldrei glansmynd. Og í raun var hann aldrei góður kennari. En skemmtilegur var hann þó.

Þegar fólk hefur þessi orð Stalíns eftir í samræðum við mig heyri ég ekkert annað en dauft „Blöblöblö blöblöblöblöblö.“ Svo glottir viðkomandi hróðugur, eins og ég hafi aldrei heyrt þetta áður.

Þakka Elíasi fyrir þessar upplýsingar.

Einu verkefni fer senn að ljúka og taka þá önnur við; bæði ritgerða- og greinaskrif. Vonandi verða þau verkefni jafn skemmtileg eins og þau eru krefjandi.

Þetta eru alvarlegar ásakanir og nánast örugglega ósannar. Bandaríkin sætta sig ekki við að hafa gert mistök og hafa nú fundið blóraböggul. Mjög hættulegan blóraböggul.

Ég þarf þó sjálfsagt ekki að hafa miklar áhyggjur af að finna mér gálga. Ég er þess fullviss að félagar mínir verði mér þar til fulltingis. En þeir geta aðallega kennt sjálfum sér um.

Þessa dagana gengur áróður skólagöbbelsanna um útskriftarferð til Mexíkó yfir nemendur eins og eldgos yfir Plíníus. Ekki að ég sé hugmyndunum mótfallinn. Þvert á móti. Eftir að hafa hlýtt á boðskap áróðursmeistaranna get ég ekki annað sagt en að ég sé hæstánægður með valið. Eins og ég hef nú aldrei verið hrifinn af Mexíkó!

En nú er það klipparinn, áður en ég tek endanlega ásjónu Dýrsins.

Hér er 44. erindi Völuspár sem dæmi (verður að hafa Reykjavík Times):

Broßr mvno berõaz oc at bØom

verßa mvno úyútrvngar úõfõom úpõlla h‡rt er õh¶õmõ h—¨

domr mõcõll úce“Ãld úcalm Ãld úcõldõr ro klofnõr võndÃld

vargÃld aßr verold úteypõz mvn engõ maßr oÝrom ßyrma.

Bjössi hefði kannski áhuga á að skoða The Administration of Law in Anglo-Saxon England: Ideals Formulated by the Bible, Einhard and Hincmar of Rheims - but no Formal Mirror of Princes eftir Eric Gerald Stanley. Hann má það ef hann sækist eftir.

Ég hef haft ímugust á gömlum rónalegum körlum eftir að mig dreymdi að einn slíkur reyndi að nauðga mér í Hagkaupum. Mér varð ekki um sel þegar ég sat í strætó áðan og uppgötvaði að einn slíkur sat mér nærri. Ég var þó öllu varari um mig á Ara, þar sem tveir eldri barnaníðingslegir karlar ræddu um kynferðislega misnotkun, er ég snæddi þar miðdegisverð í gær. Því verður næsta gamla karli sem messar við mig engin grið gefin. Þeir skulu heldur forðast mig eða glata höfðinu ella.

(*): Ég leitaði lengi upplýsinga um hvernig hægt væri að kalla fram hljóðfræðitáknið fyrir gamla ö-ið og uppgötvaði að það er ekki hægt! Það gerði ég vegna þess að í greinartitlinum er Völuspá skrifað með því tákni og vitanlega vildi ég halda ég mig við það.

Og er þetta frétt? Ég veit ekki með annað fólk, en mér hefur verið það algjörlega ljóst að þetta myndi gerast frá því verkfallið hófst. Fyrst „unglingafulltrúar“ komust fyrst að þessu núna eru þeir augljóslega ekki að vinna vinnuna sína. Eða hitt að þeir vita ekkert um unglinga. Sem er alveg jafn líklegt.

Smá málfræðifasismi: Ég tek æ oftar eftir því að fólk skrifar „stemming“ en meinar stemning. Orðabókin segir raunar hvorttveggja vera rétt, en aðgætið eitt: Til er sögnin „að stemma“, sem þýðir að eitthvað gangi upp eða sé rétt. Þannig mætti t.a.m. segja að maður sem gerir upp peningakassa sé að stemma hann. Stemming væri þá sá gjörningur að stemma. Það er alla vega hægt að setja það fram þannig, þó málfræðiyfirvöld samþykki það kannski ekki?

Eitt að lokum með þeim fyrirvara að Bibbi leiðrétti mig ef ég fer með rangt mál: Bibbi minntist á það fyrir nokkru að hann langaði til að geta farið út í banka og fengið gull fyrir peninginn sinn. Þá spyr ég: Hvers vegna vill Bibbi fá launin sín greidd í gulli? Eru nokkrir bankar til sem versla með gull? Enn fremur bendi ég á að góðmálmar þurfa ekki að liggja að baki gjaldmiðli. Það nægir að gjaldmiðillinn sé almennt viðurkenndur sem slíkur og að hann sé notaður. Sönnun: Krónan er ekki ávísun á gull en er samt gjaldmiðill. Q.e.d.