Bloggið um veginn

Ég keypti mér pakka af sígarettum áðan sem á stóð að reykingamenn dæju langt fyrir aldur fram. Þá fékk ég eina af mínum brengluðu hugdettum. Af hverju ekki að ganga skrefið til fulls og láta reykingamenn virkilega sjá eftir því að hafa byrjað? Það gætu verið svona miðar á krabbameinslyfjum sem á stæði: „Reykingar gerðu þig að því sem þú ert í dag“, og „Sko! Sagði ég ekki?“ eða „Þú ert dauðvona“. Það myndi kenna þessum helvítis reykingamönnum lexíu sem þeir munu ekki gleyma svo lengi sem þeir lifa, hversu lengi sem þeir svo lifa. Og fyrst við erum byrjuð, hvers vegna ekki að gera aðför að fleiri minnihlutahópum? Við gætum hengt upp myndir af dvergum sem við stæði: „Þessi hefði átt að taka vítamínin sín“ eða „Bönnum dverga af kaffihúsum“. Svo er alltaf hægt að gera aðför að rauðhærðum, örvhentum, fötluðum, risavöxnum, offeitum, sköllóttum og lömuðum. „Sjáið túrtappann!“ myndi fólk hreyta framan í rauðhærða, sparkað yrði í lamaða og gys gert að offeitum og tilþrif fatlaðra yrðu daglega leikin eftir. „Hey, sjáið mig! Ég er með downs-syndrome! Nahh! Nahh! Nahh!“, myndu þeir hrópa. Örvhentir myndu hafa fífil sinn fegurri þúsundfaldan séð áður er þeir hanga öfugir á krossunum með nagla reyrða í gegnum fætur sér. Er þetta eitthvað sem við viljum, eða er hugmynd mín kannski ekki svo brengluð?

Ég man alltaf eftir því þegar ég var í einni af mínum fjölmörgu sígópásum meðan ég vann í ríkinu og aldraður kvenkyns vinnufélagi minn kom að mér. „Reykirðu?“, spurði hún. „Já, svo er víst“, svaraði ég, en þá sló hún mig létt í öxlina og sagði: „Prakkarinn þinn!“. Ég held þó að mér hafi sjaldan verið jafn brugðið og þegar ég sá mann um áttrætt skamma einhverja krakka fyrir að „dissa“ einhvern annan krakka. Ég hélt ég myndi aldrei geta hætt að hlæja. Svo er víst kennari í Verzló sem talar um að eipa. Sá maður ku vera á eftirlaunaaldri. Hver segir svo sem að við unga fólkið höfum einkarétt á frösunum?

Óhemjandi er löngun mín í að heimsækja þá háborg blúsmenningarinnar. Þangað langar mig að fara. Þegar ég loks mun komast þangað mun bourbon, bjór, sígarettur og slide-gítarspil eiga sálu mína alla. Þetta er staðurinn til að vera á.

Að sjálfsögðu væri það rangt af mér að nota þessa síðu í áróðursskyni…

En hverjum er ekki sama? Þetta er almennileg síða.

Í dag á ég svo hálfs árs bloggafmæli. Í tilefni af því ætla ég að kaupa mér bland í poka.

Tvö mismunandi karlmannsnöfn: Ingi Mar og Ingimar. Svo er alltaf sá möguleiki að einhver heiti Ingi Mar Ingimarsson.

Mér var að berast það til eyrna að einhver gaur hefði verið stunginn fyrir utan Broadway stuttu eftir að ballinu lauk, sem myndi staðsetja mig í hér um bil tíu metra radíus frá stungunni þegar stungan átti sér stað. Ekki varð ég þó var við neinu stungu, sökum ölvunar eður ei.

Hafið þið svo heyrt það nýjasta? Það á að loka MSN vegna þess að Bill Gates getur ekki lifað við þá tilhugsun að barnaperrar noti forritið. Hámark fáránleikans segi ég nú bara. Þetta hindrar þá ekkert í að nota Irkið eða Kazaa sín á milli, sem ég álykta að þeir geri frekar en að nota MSN.

Ég vil nota tækifærið til að óska langömmu minni til hamingju með 100 ára afmælið. Ekki það að hún muni nokkurn tíma lesa þetta, manneskja sem veit ekki af tilvist internetsins.

Það virðist ekki vera mikill áhugi fyrir þessari keppni. Ég vil samt taka það fram að verðlaunin eru ekkert slor. Þau eru bara mjög fín.

Hinn þýski dvergaflokkur DDZ (die Deutsche Zwergebewegung) undir stjórn hins illa Friedrich Kleinmann hefur snúist til sóknar gegn Aserbaidjan. George Bush Bandaríkjaforseti hefur lýst yfir stríði við Þýskaland og Bretland fylkir með. Bush segir að beitt verði sérstakri aðlögunarfræði á almenning Þýskalands að stríði loknu og að Bandaríkjastjórn muni sjálf sjá um uppbyggingarstarfið, og eins og Bush lét hafa eftir sér í nýlegu viðtali, ætlar hann „að hefja Þýskaland upp úr skugga nasismans í eitt skipti fyrir öll.“ Ekki er vitað hvað forsetanum gekk til með því. Aðspurður segist Gerhard Schröder, kanslari Þýskalands, ekkert kannast við neinn dvergaflokk. Eins og venjulega munu CNN og Sky News flytja fréttir frá vígstöðvum og sýna í beinni útsendingu frá brennandi íbúðarhúsum og afskræmdum börnum. Verða þessar aðgerðir framkvæmdar í nafni friðar.

Sá fyrsti til að koma heim til mín og smyrja heilu stykki af íslensku smjöri yfir höfuð sér með fingurna eina að verkfæri hlýtur óvænt verðlaun. Let the games begin!

Áðan leitaði ég í ofvæni að snakki sem einhver hefði skilið eftir í íbúðinni. Því miður reyndist ekkert vera svo ég neyddist til að fara út í búð til að kaupa mér. Annarra manna snakk er samt alltaf betra.

Djöfulsins dóp er þetta sýklalyf sem ég er á. Ég mætti í skólann í morgun eftir að hafa étið eina töflu af þessu og ég gat varla borið skólatöskuna mína, hvað þá einbeitt mér í tímum. Þetta er það næsta við vímuefni.

Mér varð litið á Pepsi listann á Popp-tíví í gærkvöldi og þar sá ég myndband við eitt það lélegasta lag sem ég hef nokkru sinni heyrt, en það er lagið Right Thurr með gaur sem kallar sig Chingy. Hvað er svo málið með þetta Carmageddonmyndband hjá Iron Maiden? Eru þeir algjörlega búnir að skíta á sig eða hvað.

Jæja já. Amma mín er á spítala og vinur stjúpbróður míns var að svipta sig lífi í nótt. Lífið er ein sápuópera.

Þá þarf ég að fara að skrifa ritgerð um íslenskar mannanafnahefðir. Hvaða fífli datt það í hug?

Frábært lag. Þó má nú endalaust rífast um gildi málstaðarins.

Bíddu?! Hvað er málið með Kazaa? Er búið að loka því? Ég finn ekki neitt á því lengur.

Bölvuð veri veikindin. Hef verið veikur í fimm vikur núna.

Kominn á fúkkalyf samt.